Sybailas jemqorlyqqa qarsy is-qimyl ulttyq biýrosynyń Ońtústik Qazaqstan oblysy boiynsha departamenti OQO jumyspen qamtýdy úilestirý jáne áleýmettik baǵdarlamalar basqarmasy bastyǵynyń orynbasary S.Polatov jáne osy uiymnyń aýdandyq bólimsheleriniń basshylary M. Qaraqulov jáne A.Mahataidy qamaýǵa aldy, dep habarlaidy "Ult aqparat" biýronyń baspasóz qyzmetine silteme jasap.
Kúdiktiler «Nátijeli jumyspen qamtýdy jáne jappai kásipkerlikti damytýdyń 2017-2021 jyldarǵa arnalǵan memlekettik baǵdarlamasyn» júzege asyrý aiasynda jumyssyz azamattardy kásibi daiyndaý jáne qaita daiyndaý boiynsha memlekettik satý kelisimderin jasaý úshin zańdy tulǵalardan bopsalaý jolymen úzdiksiz para alyp kelgen.
Qylmystyq top 2016-2017 jyldar aralyǵynda qyzmet júrgizgen. Olar jasalǵan kelisimniń somasyna qarai 20%-ynan 30%-yna deiin, iaǵni 3 millionnan 20 millionǵa deiin para alyp otyrǵandyǵy anyqtaldy.
15 qyrkúiek kúni 6,4 mln teńge kóleminde kelesi parany alý ústinde A. Polatov, M. Qaraqulov jáne A. Mahatai QR QK 128-babyna sáikes ustalyp, Shymkent IID ýaqytsha ustaý oqshaýlaǵyna jetkizildi.
18 qyrkúiekte kúdiktiler sottyń sanktsiiasymen qamaýǵa alyndy. Sotqa deiingi tergeý amaldary júrgizilýde.
