Ońtústik Qazaqstan oblysynda alǵash ret "Qazaqstannyń Uly Jibek jolyna saiahat" Halyqaralyq festivali aiasynda eki kúndik "Ontustik Tourism. Invest 2017" týristik, investitsiialyq forýmy ótedi. QR Mádeniet jáne sport ministrligi men Ońtústik Qazaqstan oblysy ákimdigi uiymdastyrǵan is-sharada týrizm salasyndaǵy áleýetti jobalar tanystyrylyp, olardy júzege asyrý joldary talqylanady, Qazaqstannyń Jibek jolyna arnalǵan fotokórme, "Silk Road Fair" týristik jármeńkesi uiymdastyrylady.
Forým jumysyna QHR Týrizm boiynsha vitse-ministri, Qazaqstan Respýblikasynyń mádeniet jáne sport vitse-ministri, Týrizm indýstriiasy komitetiniń tóraiymy, jaqynda ǵana qurylǵan «Kazakh tourism» ulttyq kompaniiasynyń tóraǵasy, «Atameken» UKP ókilderi, alys-jaqyn 5 eldiń ókilderi, iaǵni, halyqaralyq jáne qazaqstandyq týroperatorlar, investitsiialyq kompaniialar, týristtik assotsiatsiialar men sheteldik jáne Qazaqstandyq BAQ jalpy sany 500-ge jýyq adam qatysýda.
Sala mamandarynyń basy qosylǵan jiynda Uly Jibek jolynda týrizm indýstriiasyn damytýdyń ózekti máseleleri men Jibek joly boiyndaǵy týristik ónimderdi damytý, óńirdiń investitsiialyq múmkindikterin tanystyrý jáne investorlardy tartý jaiy sóz boldy. Sondai-aq, qatysýshylar áleýetti seriktestermen V2V formatynda kezdesýlerge qatysyp, otandyq jáne halyqaralyq deńgeidegi sarapshylarmen suhbattasatyn bolady.
Qazaqstan Respýblikasynyń Úkimetimen bekitilgen tujyrymdamaǵa seikes Ońtústik Qazaqstan oblysy «Uly Jibek jolyn qaita jańǵyrtý klasterine» engizilip, klaster «Uly Jibek jolynyń júregi» retinde sipattalyp otyr. 1200-den astam tarihi-arheologiialyq, mádeni-arhitektýralyq eskertkishteri, Uly Jibek joly aýmaǵyndaǵy eń tanymal jáne tarihi qundylyǵy joǵary, IýNESKO-nyń dúniejúzilik mádeni muralar tizimine engen Qoja Ahmet Iasaýi kesenesi ornalasqan Ońtústik Qazaqstan oblysy atalǵan mártebeni alýy zańdylyq.
Uly Jibek joly boiynda ornalasqan iri ortaǵasyrlyq Saýran, Otyrar, Oqsyz, Isfidjap qalalary osy Ońtústik óńirinde oryn tepken. Qytai jerinen bastalǵan kerýender ortaǵasyrlarda Ońtústik ólkesi arqyly Batys jáne Taiaý Shyǵys elderine ótken. Jibek joly boiynda saýda, jeńil ónerkásip jáne t.b salalar damyp úlken qalalar boi kóterip, qalalardyń áleýmettik-ekonomikalyq jaǵdaiy alǵa ilgerilegen.
Basqosý nátijesinde shet eldik kompaniialarmen birqatar memorandýmdarǵa qol qoiylatyn bolady. Jalpy forým óńirdiń týristik jáne investitsiialyq imidjin qalyptastyrýǵa oń áserin tigizbek.
Atalǵan festival Almaty qalasynda bastaý alyp, Jambyl oblysynda jalǵasyp, Ońtústik Qazaqstan oblysynda aiaqtalatyn bolady.
Ońtústik Qazaqstan oblysyna jyl basynan beri 128 myń týrist kelgen. Bul ótken jylmen salystyrǵanda 55 paiyzǵa kóp. Oblysta biyl týrizm salasynyń qarqyndy damýy baiqalady. Ótken jylmen salystyrǵanda týristik nysandar sany 31 paiyzǵa ósip, 195-ti quraǵan. Al olarda 1,7 mlrd.teńgeniń kóleminde qyzmetter kórsetilip, qyzmetter kólemi 43 paiyzǵa jetken.
Sondai-aq, ishki týrizmdi damytý boiynsha kelýshi týristerge qolaily jaǵdai jasaý maqsatynda oblysta 1, 2 jáne 3 kúndik týristik marshrýttar ázirlengen. Atalǵan marshrýtqa 84 tarihi-mádeni obektiler men tabiǵi oryndar engizildi. Jalpy óńirimizde 800-den astam tarihi jáne mádeni eskertkishter ornalasqan. Osy rette, oblys týrizmin damytý maqsatynda birqatar mańyzdy jobalar júzege asyrylýda.
Máselen, Shymkenttiń eski qalashyǵy aýmaǵynda ashyq aspan astyndaǵy murajai ashý, Qazyǵurt jáne Ordabasy aýdandarynda álemdik standartqa sáikes servisi men týristik infraqurylymy bar brendke ainaldyrý, Qoja Ahmet Iassaýi kesenesine keletin otandyq jáne sheteldik týristerdiń aǵymyn eskere otyryp, onyń tarihyn jáne aimaǵyn álemdik murajailar úlgisinde aýdio-video vizýalizatsiialaý, orta ǵasyrda Otyrar kóne qalashyǵy men Arystan bab kesenesin bailanystyrǵan joldy qalpyna keltire otyryp jol boiynda ulttyq qolóner sheberhanalaryn ornalastyrý josparlanýda.
Jalpy Ońtústik - kóliktik áleýeti ekonomikalyq tiimdi jerde ornalasýymen sipattalady. Aimaq Orta Aziia, Taiaý Shyǵys jáne Evropa elderin bailanystyratyn áýe, temirjol jáne avtokólik joldarynyń toǵysynda ornalasqan. Sondyqtan munda týristik áleýetti damytýdyń múmkindigi zor.
