Shara aiasynda óńir sharýalary marapattaldy, dep habarlaidy "Ult aqparat" OQO ákiminiń baspasóz qyzmetine silteme jasap.
Búgin Ońtústik Qazaqstan oblysynda alǵashqy ret «AGROFEST-2017» aýyl sharýashylyǵy festivali ótti.
Agrarly aimaqtyń sharýalary memlekettiń qoldaýy men tynymsyz eńbektiń arqasynda biyl egis naýqanyn jaqsy kórsetkishpen aiaqtady. Merekelik sharaǵa aýyl sharýashylyǵy salasynyń ardagerleri, eńbek ozattary, kásipkerler, halyq qalaýlylary men sala mamandary bastaǵan jalpy 8 myńǵa jýyq adam qatysty.
Oblys ákimi Janseiit Túimebaev bastaǵan festival qonaqtary, aldymen, aýyl sharýashylyǵy salasynyń jetistikterin aishyqtaityn kórmemen tanysty. Kórmede halyqtyń nazaryna aýyl sharýashylyǵy ónimderi, asyl tuqymdy tórt túlik malynyń túrleri men ozyq tehnikalar usynyldy.Festival aiasynda aýyl sharýashylyǵy ónimderiniń jármeńkesi uiymdastyryldy. Jármeńkede oblystyń barlyq aýdanynan jinalǵan 182 tonna tabiǵi taza ónim naryqtaǵy baǵadan 15-20 paiyz arzan baǵaǵa satyldy.
Túimebaev jyl boiyna tynymsyz eńbek etken aýyl sharýashylyǵy salasynyń qyzmetkerlerin kásibi merekelerimen quttyqtap, atalǵan salada belsendilik tanytyp, úzdik kórsetkishke qol jetkizgen sharýalar men aýdandardy marapattady. Óńir sharýalary «Ozat astyq jinaýshy», «Ozat mal bordaqylaýshy», «Ozat baqsha ósirýshi» syndy 27 nominatsiia boiynsha marapatqa ie bolsa, aýdan-qalalar arasynda 15 baǵyt boiynsha úzdikter anyqtaldy.
«Oblysymyzdaǵy aýyl sharýashylyǵy eksportynyń kólemi búgingi tańda 211,4 mln. AQSh dollaryn qurap, ótken jylmen salystyrǵanda 6 paiyzǵa ósti. Import kólemi 320 mln. AQSh dollaryna jetip, 4 paiyzǵa kemidi. Osylaisha respýblikada oblystyń úlesi 13 paiyzǵa jetip otyr. Osy jyly mal sharýashylyǵy salasynyń eńbekkerleri de tolaǵai tabystarǵa qol jetkizgenin baiqaýǵa bolady», - dedi Janseiit Qanseiituly.
Festival munan soń ortalyq atshabardaǵy qyz qýý, teńge ilý, aýdaryspaq, qazaq kúresi syndy ulttyq sporttyń 12 túrinen saiystarǵa ulasty. Túrli aýdandardan jinalǵan bilektiler ózara myqtylardy anyqtady. Úzdik atanǵan barlyq qatysýshy men sportshylarǵa baǵaly syilyqtar tabys etildi. Mereke aiasynda 16 kiiz úi tigilip, festival qonaqtaryna arnap ulttyq taǵamdar men sýsyndardan dastarhan jaiyldy. Merekelik shara sońy oblystyq óner juldyzdarynyń gala kontsertine ulasty.
