شارا اياسىندا ٶڭٸر شارۋالارى ماراپاتتالدى, دەپ حابارلايدى "ۇلت اقپارات" وقو ەكٸمٸنٸڭ باسپاسٶز قىزمەتٸنە سٸلتەمە جاساپ.
بٷگٸن وڭتٷستٸك قازاقستان وبلىسىندا العاشقى رەت «AGROFEST-2017» اۋىل شارۋاشىلىعى فەستيۆالٸ ٶتتٸ.
اگرارلى ايماقتىڭ شارۋالارى مەملەكەتتٸڭ قولداۋى مەن تىنىمسىز ەڭبەكتٸڭ ارقاسىندا بيىل ەگٸس ناۋقانىن جاقسى كٶرسەتكٸشپەن اياقتادى. مەرەكەلٸك شاراعا اۋىل شارۋاشىلىعى سالاسىنىڭ ارداگەرلەرٸ, ەڭبەك وزاتتارى, كەسٸپكەرلەر, حالىق قالاۋلىلارى مەن سالا ماماندارى باستاعان جالپى 8 مىڭعا جۋىق ادام قاتىستى.
وبلىس ەكٸمٸ جانسەيٸت تٷيمەباەۆ باستاعان فەستيۆال قوناقتارى, الدىمەن, اۋىل شارۋاشىلىعى سالاسىنىڭ جەتٸستٸكتەرٸن ايشىقتايتىن كٶرمەمەن تانىستى. كٶرمەدە حالىقتىڭ نازارىنا اۋىل شارۋاشىلىعى ٶنٸمدەرٸ, اسىل تۇقىمدى تٶرت تٷلٸك مالىنىڭ تٷرلەرٸ مەن وزىق تەحنيكالار ۇسىنىلدى.فەستيۆال اياسىندا اۋىل شارۋاشىلىعى ٶنٸمدەرٸنٸڭ جەرمەڭكەسٸ ۇيىمداستىرىلدى. جەرمەڭكەدە وبلىستىڭ بارلىق اۋدانىنان جينالعان 182 توننا تابيعي تازا ٶنٸم نارىقتاعى باعادان 15-20 پايىز ارزان باعاعا ساتىلدى.
تٷيمەباەۆ جىل بويىنا تىنىمسىز ەڭبەك ەتكەن اۋىل شارۋاشىلىعى سالاسىنىڭ قىزمەتكەرلەرٸن كەسٸبي مەرەكەلەرٸمەن قۇتتىقتاپ, اتالعان سالادا بەلسەندٸلٸك تانىتىپ, ٷزدٸك كٶرسەتكٸشكە قول جەتكٸزگەن شارۋالار مەن اۋدانداردى ماراپاتتادى. ٶڭٸر شارۋالارى «وزات استىق جيناۋشى», «وزات مال بورداقىلاۋشى», «وزات باقشا ٶسٸرۋشٸ» سىندى 27 نوميناتسييا بويىنشا ماراپاتقا يە بولسا, اۋدان-قالالار اراسىندا 15 باعىت بويىنشا ٷزدٸكتەر انىقتالدى.
«وبلىسىمىزداعى اۋىل شارۋاشىلىعى ەكسپورتىنىڭ كٶلەمٸ بٷگٸنگٸ تاڭدا 211,4 ملن. اقش دوللارىن قۇراپ, ٶتكەن جىلمەن سالىستىرعاندا 6 پايىزعا ٶستٸ. يمپورت كٶلەمٸ 320 ملن. اقش دوللارىنا جەتٸپ, 4 پايىزعا كەمٸدٸ. وسىلايشا رەسپۋبليكادا وبلىستىڭ ٷلەسٸ 13 پايىزعا جەتٸپ وتىر. وسى جىلى مال شارۋاشىلىعى سالاسىنىڭ ەڭبەككەرلەرٸ دە تولاعاي تابىستارعا قول جەتكٸزگەنٸن بايقاۋعا بولادى», - دەدٸ جانسەيٸت قانسەيٸتۇلى.
فەستيۆال مۇنان سوڭ ورتالىق اتشابارداعى قىز قۋۋ, تەڭگە ٸلۋ, اۋدارىسپاق, قازاق كٷرەسٸ سىندى ۇلتتىق سپورتتىڭ 12 تٷرٸنەن سايىستارعا ۇلاستى. تٷرلٸ اۋدانداردان جينالعان بٸلەكتٸلەر ٶزارا مىقتىلاردى انىقتادى. ٷزدٸك اتانعان بارلىق قاتىسۋشى مەن سپورتشىلارعا باعالى سىيلىقتار تابىس ەتٸلدٸ. مەرەكە اياسىندا 16 كيٸز ٷي تٸگٸلٸپ, فەستيۆال قوناقتارىنا ارناپ ۇلتتىق تاعامدار مەن سۋسىنداردان داستارحان جايىلدى. مەرەكەلٸك شارا سوڭى وبلىستىق ٶنەر جۇلدىزدارىنىڭ گالا كونتسەرتٸنە ۇلاستى.
