Ońtústik Qazaqstan oblysynda aǵymdaǵy jyly 11-synypty bitirgen 33 myń mektep bitirýshiniń ornyna 73 myńnan astam oqýshy birinshi synypqa qabyldanǵan.
Nátijesinde óńirde oqýshy ornyna degen tapshylyq baiqalýda. Atalǵan máseleni sheshý maqsatynda 2017 jyly oblys kólemindegi 79 bilim nysanynyń qurylysyna 31,9 mlrd teńge baǵyttalyp, biyl 31 nysandy paidalanýǵa berý josparlanǵan. Búgin bul týraly OQO óńirlik kommýnikatsiialar qyzmetinde ótken brifingte oblystyq bilim basqarmasynyń basshysy Isatai Saǵyndyqov málim etti, dep habarlaidy óńir basshysynyń baspasóz qyzmeti.
I. Saǵyndyqovtyń aitýynsha, 2017-2018 oqý jylynda oblystaǵy 1038 mektepte 634 myńǵa jýyq oqýshy bilim alýda. Sondai-aq, biylǵy oqý jylynda 992 mektep jumysy bes kúndik oqý aptasyna kóshirilgen. Onyń ishinde jańartylǵan bilim berý júiesine kóshken 1, 2, 5 jáne 7-synyptaǵy 300 myńǵa jýyq oqýshy bilim alady. Al mektepke deiingi tárbie men oqytýǵa kelsek, aǵymdaǵy jyldyń 1 qarashadaǵy esebi boiynsha oblysta 1-6 jastaǵy 183 280 balany qamtityn 1700-den astam mektepke deiingi uiymdar jumys isteidi.
«Olardyń 991-i jekemenshik, al bul jalpy mektepke deiingi uiymdardyń 58 paiyzyn quraidy. 2017 jyly jalpy 8805 orynǵa 108 mektepke deiingi uiymdar iske qosyldy. Sondai-aq, 3-6 jastaǵy balalardy mektepke deiingi bilimmen qamtý biyl 82,5 paiyzǵa deiin ósti. Jyl sońyna deiin qosymsha 7 815 orynǵa laiyqtalǵan 45 mektepke deiingi uiymdar ashylyp, baldardy qamtý 85,5 paiyzdy quraityn bolady», - dedi Isatai Ómirzaquly.
Sonymen qatar, «Bilim berýdi jáne ǵylymdy damytýdyń 2016-2019 jyldarǵa arnalǵan memlekettik baǵdarlamasyna» sáikes, sońǵy bes jylda oblys mektepterine 40285 dana kompiýter satyp alynǵan. 2017 jyly 520 mektepke 2354 komplekt mýltimediialyq quraldardy alý josparlanǵan.
Budan bólek, mektep oqýshylaryna arnalǵan elektrondy jýrnaldar men kúndelikterdiń kundelik.kz pilottyq jobasy óńirdegi 710 mektepte endirildi. Bul oblystaǵy mektepterdiń 69 paiyzyn quraidy.
Sonymen qatar mektepterdi elektrondy bilim berý kontentimen qamtamasyz etý maqsatynda «Bilimland» bilim berý platformasyna qosý jumystary júrgizilýde. Atalǵan jobaǵa 1021 mektepti qosýǵa respýblikalyq biýdjetten 2017 jylǵa 222,2 mln. teńge qaralyp, nátijesinde bilim mekemeleri elektrondy bilim berý kontentterine tolyq qosylǵan.
