Ońtústik Qazaqstan oblysy Arys qalasyna qarasty Kókjide eldi mekeninde 1-jeltoqsan Tuńǵysh Prezidenti kúnine orai jańa sport zaldyń ashylý saltanaty ótti. Sharada sóz alǵan qala ákimi Murat Qadyrbek negizgi maqsat - óskeleń urpaq arasynda salaýatty ómir saltyn nasihattap, bos ýaqyttaryn tiimdi paidalanýǵa múmkindik jasaý ekendigin atap ótti, dep habarlaidy "Ult aqparat" oblys ákimdiginiń baspasóz qyzmetine silteme jasap.
«Búgingi ashylǵan sport zalynan jerlesterimiz siiaqty aýyr atletikadan Qazaqstan Respýblikasynyń eńbegi sińgen sport sheberi, 2 márte Álem chempionatynyń jáne 2016 jylǵy Rio-De-Janeiroda ótken Olimpiadanyń kúmis júldegeri Jazira Japparqul, sondai-aq erkin kúresten Qazaqstan Respýblikasynyń sport sheberleri Jumabek Nursultan men Burhan Madiiar syndy sportshylarymyz shyǵatynyna senimdimin. Sonymen qatar, bokstan Qazaqstan Respýblikasynyń chempiony, sport sheberi Qalaýbek Oljas, aýyr atletikadan elimizdiń chempiony Máýlenqulova Diana siiaqty elimizdiń maqtanyshy bolatyn sportshylar shyǵa berýine tilektespin!», - dedi Murat Bolatuly.
Sondai-aq, atalǵan óńirde Elbasymyzdyń «Qazaqstan 2050» strategiialyq baǵdarlamasy aiasynda 1-jeltoqsan Qazaqstan Respýblikasynyń Tuńǵysh Prezidenti kúni merekesi qarsańynda Baiyrqum-Kókjide asfalt joly halyq igiligine berildi.
