Ońtústik Qazaqstan oblysy ákiminiń jańa orynbasary taǵaiyndaldy, - dep habarlaidy "Ult aqparat" OQO ákiminiń baspasóz qyzmetine silteme jasap.
QR Prezidenti Ákimshiliginiń kelisimimen jáne Ońtústik Qazaqstan oblysy ákimi Janseiit Túimebaevtyń ókimimen oblys ákiminiń orynbasary bolyp Erbol Qýanyshuly Tasjúrekov taǵaiyndaldy. Búgin óńir basshysy jańa oblys ákiminiń orynbasaryn ákim apparatyna tanystyrdy.
"Oblys ákiminiń orynbasary Baýyrjan Saldaruly Jamalov basqa jumysqa aýysýyna bailanysty, búgin oblys ákiminiń orynbasary laýazymyna Erbol Qýanyshuly Tasjúrekov taǵaiyndalyp otyr. Al, Baýyrjan Saldaruly ózine júktelgen salaǵa jetekshilik etý barysynda birqatar jaqsy bastamalar, oń ózgerister engizdi, olar aldaǵy ýaqytta jalǵasyn tabatyn bolady. Óz atymnan jáne áriptesterimniń atynan alǵys bildiremin. Endi Erbol Qýanyshuly osy baǵyttaǵy jumystardy jalǵastyra otyryp, óziniń biliktiligi men iskerligin dáleldep óńir ekonomikasynyń damýyna úlesin qosady dep senim bildiremin",-dedi Janseiit Túimebaev.
Erbol Qýanyshuly 1979 jyly Jambyl oblysynda dúniege kelgen. Bilimi joǵary, mamandyǵy boiynsha biliktiligi - ekonomist, zańger, memlekettik jáne jergilikti basqarý magistri. Ol M.H. Dýlati atyndaǵy Taraz memlekettik ýniversitetiniń, Q.A. Iassaýi atyndaǵy Halyqaralyq Kazaq-Túrik ýniversitetiniń, QR Prezidenti janyndaǵy Memlekettik basqarý akademiiasynyń túlegi bolyp tabylady. Sonymen qatar, «Bolashaq» halyqaralyq baǵdarlamasynyń stipendiaty, Frantsiia Respýblikasynyń Ulttyq ákimshiliktendirý mektebin bitirgen.
E.Tasjúrekov 1998-2001 jyldary «Qaznur» jaýapkershiligi shekteýli seriktestiginiń menedjeri retinde eńbek jolyn bastap, keiin «Sedanko-Qazaqstan» jaýapkershiligi shekteýli seriktestigi bas direktorynyń orynbasary, "Profil-Lux" jaýapkershiligi shekteýli seriktestiginiń direktory bolyp eńbek etken.
2007-2013 jyldary Astana qalasynyń №2 Almaty aýdandyq sotynyń mamany, Astana qalalyq sotynyń bas mamany, Astana qalasy sotynyń keńse meńgerýshisi laýazymdarynda bolǵan.
2013-2016 jyldary QR Óńirlik damytý ministrligi Kásipkerlik saiasatyn damytý departamenti basqarmasynyń basshysy, Óńirlerdi monitoringileý jáne baǵalaý departamenti basqarmasynyń basshysy, Ulttyq ekonomika ministrliginiń Óńiraralyq yntymaqtastyq, taldaý jáne óńirlerdi baǵalaý departamenti direktorynyń orynbasary qyzmetin atqarǵan.
2016 jyldyń qarasha aiynan bastap búgingi kúnge deiin QR Investitsiialar jáne damý ministrliginiń Investitsiialar jónindegi komiteti tóraǵasynyń orynbasary laýazymynda eńbek etip kelgen.
