Ońtústik Qazaqstan oblys ákiminiń birinshi orynbasary taǵaiyndaldy. QR Prezidenti Ákimshiliginiń kelisimimen jáne Ońtústik Qazaqstan oblysy ákiminiń ókimimen bul qyzmetke Álipbek Sháripbekuly Óserbaev keldi, dep habarlaidy "Ult aqparat".
Buǵan deiin osy qyzmetti atqarǵan Darhan Amangeldiuly Satybaldy shetelge oqýǵa ketýine bailanysty óz ótinishi boiynsha jumystan bosatylǵan edi. Óńirde qyzmet atqarǵan jyldary ishindegi jemisti jumysy úshin D.Satybaldyǵa oblys ákimi Janseiit Túimebaev alǵysyn bildirip, ony «Oblysqa sińirgen eńbegi úshin» medalimen marapattady.
Al, búgin aimaq basshysy jańa orynbasaryna óz salasyndaǵy ózekti máselelerge saraptama jasap, alda atqarylatyn jumystar boiynsha naqty is-shara josparyn jasaýdy tapsyrdy.
Aita keteiik, Álipbek Óserbaev 1961 jyly týǵan, bilimi joǵary, mamandyǵy boiynsha biliktiligi injener, himik-tehnolog. Eńbek jolyn 1983 jyly Qaraǵandy asbest-tsement ónimderin shyǵaratyn zaýytynyń mashinisti retinde bastaǵan. 1986-2014 jyldary Túrkistan qalasy qurylys detaldary men konstrýktsiialary kombinaty zerthanasynyń injeneri, masteri, ekonomisti, tseh bastyǵy, bas injeneri, «Qýat Sýindýstriia» AQ, «KazakhConstruction Industry» AQ Túrkistan qalasy rýdasyz materialdar kombinaty filialdarynyń direktory, Túrkistan qalalyq máslihaty hatshysynyń mindetin atqarýshy, Túrkistan qalasy qurylys bóliminiń meńgerýshisi, Kentaý, Túrkistan qalalary ákimderiniń orynbasary siiaqty qyzmetter atqarǵan.
2014 jyldyń qyrkúiek aiynan bastap osy taǵaiyndaýǵa deiin deiin Ońtústik Qazaqstan oblysy Túrkistan qalasynyń ákimi bolyp qyzmet etti.
