Búgin Ońtústik Qazaqstan oblysynyń ákimi Janseiit Túimebaev jazýshy-dramatýrg Dýlat Isabekovtiń 75 jyldyq mereitoiyna arnalǵan «Ultyn súigen dara tulǵa» atty shyǵarmashylyq keshine kelgen qonaqtarmen kezdesti, dep habarlaidy "Ult aqparat" oblys ákiminiń baspasóz qyzmetine silteme jasap.
Olardyń qatarynda mereitoi iesi QR Memlekettik syilyqtyń laýreaty, «Qurmet» ordeniniń iegeri, Halyqaralyq PEN klýby jáne Platinaly «Tarlan» syilyqtarynyń laýreaty, jazýshy-dramatýrg Dýlat Isabekov, jazýshy, «Qurmet» ordeniniń iegeri Beksultan Nurjekeev, Halyqaralyq «Alash» ádebi syilyǵy men «Qurmet» ordeniniń iegeri Qazybek Isalar bar.
Kezdesýde sóz alǵan óńir basshysy mereitoi iesin quttyqtap, «Ultyn súigen dara tulǵa» atty shyǵarmashylyq keshtiń sátti ótýine tilegin bildirdi.
«Biz Sizdi jazýshy, dramatýrg, ultymyzdyń bolmys-bitimin sol kúii keleshekke jetkizýshi retinde, ulttyq ádebietimizdiń álemdik deńgeide tanyla túsýine erekshe úles qosyp kele jatqan, óziniń dara joly bar el azamaty retinde maqtan tutamyz. Biylǵy jyldyń qazan aiynda Ulybritaniia astanasy London tórinde lordtar palatasynda arnaiy qabyldaý ótip, «Pesalar jinaǵy» kitabyńyzdyń tusaýy kesilip, «Aqqý jibek» atty pesańyzdyń qoiylymynyń ótýimen Sizdi shyn júrekten quttyqtaimyn», - dedi Janseiit Qanseiituly.
Dýlat Isabekov - qazaq ádebietinde eshkimge uqsamaityn, tyńnan túren salǵan jazýshy. Týyndylarynyń ár sózi tiri, ár sózi máńgilik qozǵalysta. Óitkeni, Dýlat Isabekov kúrdeli zamannyń tól jazýshysy. Ótken ǵasyrdyń 60-shy jyldary «Jolda» áńgimesi jaryq kórip, keiinen «Beket», «Ashy bal», «Mazasyz kúnder», «Qara shańyraq», «Tirshilik» povester men áńgimeler jinaqtary jaryq kórse, 80-shi jyldary «Qarǵyn» romany basylyp shyqty.
Kezdesýde sóz alǵan jazýshy Beksultan Nurjekeev Dýlat Isabekovtiń qazaq ádebietin damytýǵa qosqan úlesine toqtaldy. Al, aqyn Qazybek Isa halyq jazýshysynyń ómir ǵumyrdariiasynan keńinen sóz qozǵady.
Kezdesýdi qorytqan oblys ákimi mereitoi iesi men qonaqtarǵa syi-siiapat jasap, baǵaly syilyqtar tabys etti.
Aita keteiik, búgin J.Shanin atyndaǵy oblystyq akademiialyq qazaq drama teatrynda Dýlat Isabekovtiń 75 jasqa tolýyna arnalǵan «Ultyn súigen dara tulǵa» atty shyǵarmashylyq keshi uiymdastyrylmaq. Sonymen qatar, teatr sahnasynda respýblikalyq uiǵyr mýzykalyq komediia teatry artisteriniń oryndaýynda jazýshynyń «Muragerler» atty qoiylymy kórermender nazaryna usynylmaq.
