Búgin Ońtústik Qazaqstan oblysynyń ákimi J.Túimebaev OQO Ishki ister departamentiniń bazasynda bolyp, ondaǵy ótip jatqan respýblikalyq shtabtyq oqý-jattyǵýdyń barysymen tanysty, dep habarlaidy "Ult aqparat".
Oblys ákimine Ishki ister organynyń daiyndyǵy men qabilettilik deńgeii jáne materialdyq-tehnikalyq bazasy kórsetildi.
Quqyq qorǵaý salasynyń qyzmetkerlerimen tildesken aimaq basshysy ishki ister organynyń jumysy zamanaýi tehnikamen qamtamasyz etilgeninde emes, mamandardyń kásibiligimen anyqtalatynyn atap ótti.
Aita keteiik, oqý-jattyǵý sheńberinde daǵdarys jaǵdaiy týyndaǵan oryndarǵa qysqy mezgilde operatsiialardy ótkizý kezindegi áreketterge quqyqqorǵaý organdary kúshterin jóneltý máseleleri pysyqtalady.
Máselen, oqý-jattyǵý barysynda kúsh pen quraldardy basqarýdy uiymdastyrý, memlekettik organdardy jedel habardar etý, vedomstvolyq bailanys quraldarynyń jáne ózara bailanysynyń turaqty jumysyn qamtamasyz etý, ártúrli qoiylǵan tapsyrmalardy oryndaýdaǵy memlekettik organdardyń ózara bailanysy tekseriledi.
Sondai-aq, oqý-jattyǵý barysynda shartty túrdegi tótenshe jaǵdai kezindegi azamattardyń qaýipsizdigin qamtamasyz etý jáne quqyq qorǵaý organdarynyń jedel ózara is-áreketi pysyqtalady.
Eske sala keteiik, qarasha aiynyń basynda Ońtústik Qazaqstan oblysynda «Qys-2017» respýblikalyq komandalyq-shtabtyq oqý-jattyǵýy ótken bolatyn.
Ol sharaǵa oblystyq ishki ister jáne tótenshe jaǵdailar departamentteri, oblystyń, qalalar men aýdandardyń azamattyq qorǵaý qyzmetteri, tótenshe jaǵdai komissiiasy, óńirdegi dislokatsiialanǵan Qorǵanys ministrliginiń bólimderi qatysqan edi.
