Ońtústik Qazaqstan oblysynyń ákimi J.Túimebaev shaǵyn jáne orta kásipkerlikti damytý maqsatynda óńirdegi isker azamattarmen kezdesti, dep habarlaidy "Ult aqparat" aimaq basshysynyń baspasóz qyzmetine silteme jasap.
Jiynǵa Shymkent qalasyndaǵy «Ońtústik», «Tassai», «Badam» indýstrialdy aimaqtarynda ornalasqan 60-tan astam shaǵyn jáne orta biznes ókilderi men oblys ákiminiń orynbasary B.Jamalov, tiisti sala basqarmalarynyń basshylary, «Ońtústik» indýstrirldy aimaǵy direktsiiasynyń ókilderi qatysty.
Basqosýda óńir basshysy kásipkerlerge qoldan jasalatyn kedergiler joiylyp, biýrokratiiaǵa jol berilmeý kerektigin aitty.
«Óńirdiń óndirisin kóterip jáne oblys ekonomikasynyń damýyna orasan úles qosyp otyrǵan osy shaǵyn jáne orta kásipkerlik salasy. Búginde kásibin dóńgeletemin degen árbir kásipkerge memleket bar jaǵdaidy jasap otyr. Ózderińiz kásiporyn ashyp otyrǵan indýstrirldy aimaqta Elbasynyń bastamasymen qolǵa alynǵan údemeli indýstrirlyq-innovatsiialyq damý baǵdarlamasy aiasynda qurylǵan»,-dedi ákim.
Biznes ókilderimen bolǵan kezdesýde otandyq óndiristi damyta otyryp, syrtqy taýardy qystartý jáne eksportty ulǵaitý máselesi talqylandy. Sonymen qatar, indýstrirldy aimaqta ornalasqan kásiporyndar aýmaǵyn kógaldandyrý men bos jatqan jerlerdi igerý jaiy da qaraldy. Onda oblys ákiminiń orynbasary transformator shyǵaratyn «Asia Trafo» kásiporyny óz qarjysy esebinen «Tassai» indýstrialdy aimaǵynda shaǵyn baý egetinin aityp, ózgelerge úlgi etti.
Kezdesý barysynda «Amir-A» JShS-niń direktory Aiman Amirbekova «Ońtústik» indýstrialdy aimaqta quny 7 milliard 11 mln teńge bolatyn metallýrgiialyq zaýyttyń qurylysy júrgizilip jatqanyn málimdedi. Jylyna 500 myń tonna metall buiymdaryn shyǵarýǵa qaýqarly óndiris orny iske qosylǵanda 260 adam jumyspen qamtylatyn bolady.
Aita keteiik, «Ońtústik» indýstrialdy aimaqta jalpy somasy 55,8 mlrd teńge bolatyn bes myń jumys ornymen 85 joba júzege asyrylýda. Onyń búginde quny 21,4 mlrd. teńge bolatyn 46 jobasy iske qosylyp, úsh myń adam jumyspen qamtylyp otyr. Al «Badam» indýstrialdy aimaǵynda 14 joba júzege asyrylyp jatsa, búginde onyń 3-ýi iske qosylǵan. «Tassai» IA búginde 27 jobany júzege asyrý josparlansa, onyń 4-ýi iske asyrylǵan.
