Ońtústik Qazaqstan oblysynyń ákimi J.Túimebaev Elbasynyń «Bolashaqqa baǵdar: rýhani jańǵyrý» baǵdarlamalyq maqalasy aiasynda Shymkent qalasyndaǵy «Eski qalashyq» aýmaǵyndaǵy júrgizilip jatqan arheologiialyq qazba jumystarymen tanysty.
Qalashyqtaǵy qazba jumystaryn «Arheologiialyq saraptama» jaýapkershiligi shekteýli seriktestigi júrgizýde. Qazir munda arheologiialyq qazba jumystarynyń birinshi kezeńi bastalǵan. Aýmaǵy 1000 sharshy metr bolatyn jerasty qalasyn arshyǵan arheolog-ǵalymdar kóptegen tarihi jádiger tapty, dep habarlaidy OQO ákiminiń baspasóz qyzmeti.
Osyndaǵy jumystardy aralap kórgen aimaq basshysy birinshi kezekte atalǵan jumystardy toqtatpaýdy jáne tabylǵan jádigerlerdi sol qalpynda saqtap qalý úshin qazba aimaǵyn qorǵaý, qorshaýdy qala ákimine tapsyrdy.
Sondai-aq, ákim anyqtalǵan tarihy nysandardy esepke ala otyryp, qaita qalpyna keltirý isin de qatar júrgizýdi aitty.
«Mynaý kórip turǵandaryńyz - Tsitadel. Osynyń barlyǵyn qurtpai, joǵaltpai saqtaýymyz qajet qoi. Bul 19 ǵasyrdyń sońyndaǵy sýretter. Buǵan endi bir jarym ǵasyr ótti, alaida bizdiń qorǵanymyzdan túk qalmaǵan. Al jalpy tarihta bir jarym ǵasyr degen túk emes, ondaǵan ǵasyrlarǵa saqtaý kerek. Sondyqtan túpten joiylmai turǵanda, der kezinde osyny qolǵa alyp, tiisti jumystardy bastap jalǵastyrýymyz qajet»,- dedi aimaq basshysy.
Aýmaq tarihi-mádeni oryn bolǵandyqtan, bul mańǵa 50 metrge deiin qurylys salýǵa bolmaidy. Sondyqtan «Eski qalashyqtaǵy» jeke nysandardyń jeri aldaǵy ýaqytta memleket menshigine qaitarylady.
Osy rette, oblys ákimi aýmaqta salynǵan jeke turǵyn úiler men ondaǵy dúkenderdi basqa jerge kóshirý jumystaryn tyńǵylyqty túrde júrgizýdi qala basshylyǵyna mindettedi.
Qazir qala ákimdigi tarapynan eski qala ornynyń aýmaǵynda arheologiialyq park-mýzeii, ashyq aspan astyndaǵy mýzei qurý úshin jobalyq smetalyq qujattamasyn daiyndaýǵa jáne arheologiialyq jumystar júrgizýge qalalyq biýdjetten 100 mln teńge bólinip, tiisti jumystar atqarylýda.
