Foto: inform.kz
6 sáýirde Astana qalasynda "ÓKM operatory" qylmystyq isi boiynsha aldyn ala tyńdaý bastaldy. Aiyptalýshynyń advokattary bul is boiynsha Áliia Nazarbaevadan jaýap alýdy surady, - dep habarlaidy Tengrinews.kz saity.
Elordadaǵy Baiqońyr aýdanynyń №2 sotynda aldyn ala tyńdaýlar ótip jatyr.
Aiyptalýshy ornynda burynǵy ekologiia, geologiia jáne tabiǵi resýrstar vitse-ministri Ahmetjan Pirimqulov, "ÓKM operatory" JShS basqarmasynyń burynǵy tóraǵasy Medet Qumarǵaliev, burynǵy qarjy direktory Rýstam Temirbek jáne "ÓKM operatory" kompaniiasynyń burynǵy bas direktory, Ýkraina azamaty Svetlana Korotenko otyr.
Is boiynsha aiyptalýshylar "ÓKM operatory" JShS-de milliardtaǵan dollar jymqyrdy dep aiyptalǵan.
Aldyn ala tyńdaý barysynda Korotenkonyń advokaty qylmystyq isti qosymsha tergeýge qaitarýdy surady.
"Meniń klientime 2016 jyldyń 18 mamyry men 2019 jyldyń 18 qarashasy aralyǵynda "ÓKM operatorynyń" bas direktory bolǵan kezde qylmystyq jospar uiymdastyryp, Ekologiia ministrligi men "ÓKM operatorynyń" qyzmetkerlerin qatystyryp, olardyń arasynda qylmystyq rólderdi bólip, olarmen qylmystyq kelisimge kelip, qarajatty jymqyrǵan degen aiyp taǵylyp otyr. (...) "ÓKM operatory" JShS 2015 jylǵy 23 qarashada jalǵyz qatysýshy – quryltaishysy bolǵan Áliia Nazarbaevanyń sheshimimen quryldy.
Qorǵaýshy tarap aiyptaý organy 2016-2019 jyldar aralyǵynda ÓKM qujattamasyn, quryltaishylardyń, atap aitqanda Nazarbaevanyń sheshimin qasaqana talap etpedi dep sanaidy, óitkeni bul infraqurylymdyq kásiporyn qurýǵa bastamashy bolǵan kommertsiialyq kásiporyndar iesiniń jeke basyn jasyrýǵa tyrysýǵa bailanysty. Dál is materialdarynda mańyzdy qujattardyń bolmaýy meniń qorǵaýymdaǵy adamnyń áreketine quqyqtyq baǵa berýge áser etti", - dedi advokat.
Advokattyń ótinishi boiynsha, 17 qazandaǵy aldyn ala tyńdaý kezinde Korotenko "aqshalai qarajatty jumsaý týraly sheshim qabyldaǵan seriktestiktiń quryltaishysy Nazarbaevany" qylmystyq jaýapkershilikke tartý maqsatynda "qosymsha tergeý úshin qylmystyq isti qaitarý týraly" ótinish bildirdi.
"Nazarbaevaǵa is boiynsha qamaýǵa alynǵan zaýyt tiesili. Ol zańsyz aqshaǵa salynǵandyqtan tárkilenýi múmkin. Ol (Nazarbaeva - esk.) bizdiń is boiynsha eshqandai jaǵdaida, eshqandai mártebede qaralyp jatqan joq. Biz odan birneshe ret jaýap alýdy suradyq. (...) Onyń múlki qamaýǵa alynsa da", - dep qosty advokat.
Eske salaiyq, 2022 jyldyń 1 sáýirinde 13 milliard teńgeden asa qarjy jymqyrdy degen kúdikpen "ÓKM operatory" JShS burynǵy basqarýshy direktory ustalǵan bolatyn.
