Oq-dári qoimalaryna taqaý salynǵan jekemenshik nysandar súriledi. Bul týraly QR Qorǵanys ministriniń orynbasary, general-maior Baqyt Qurmanbaev aitty, dep habarlaidy QazAqparat.
«Qarýly kúshterdiń ózge de áskerler men áskeri quramalardyń arsenaldar, bazalary men qoimalary janyndaǵy tyiym salynǵan aýmaqtar men aýdandar máseleleri jónindegi qabyldanǵan túzetýlerge sáikes, oq-dári qoimalary tóńiregindegi aýmaq ulǵaityldy. Onda eshqandai jekemenshik qurylys nysany bolmaýy tiis», - dedi Baqyt Qurmanbaev BAQ ókilderimen kezdesýi barysynda.
Sonymen qatar ol oq-dári qoimalaryna taqaý salynǵan qurylys nysandarynyń barlyǵy súriletindigin aitty.
«Osyǵan bailanysty búgingi kúni ulǵaitylǵan aýmaqta salynǵan nysandardy súrý jáne olardyń ielelerine ótemaqy tóleý qarastyrylyp otyr», - dedi Qorǵanys ministriniń orynbasary.
