Gonkongtegi narazylyq kezinde ustalǵan Qazaqstan azamaty ýaqytsha oqshaýlaǵyshta otyr, dep habarlaidy QazAqparat.
«Osydan bir-eki kún buryn 209 qazaqstandyq stýdenttiń elge oralǵanyn habarlaǵan bolatynbyz. 32 stýdent Gonkongte qalýǵa ózderi niet bildirdi. Óitkeni, olar ózderin qaýipsiz sezinip otyr. 17 stýdent jaqyn arada qaitamyz dep sheshti. Aita ketý kerek, Gonkongte arnaiy tótenshe jaǵdai engizilgen joq. Sondyqtan, basqa týrister nemese Qazaqstan azamattary ol jerde bola beredi», - dedi QR SIM resmi ókili Aibek Smadiiarov vedomstvoda ótken baspasóz máslihatynda ótken baspasóz máslihatynda.
Aibek Smadiiarovtyń aitýynsha, QR SIM-niń ótken aptadaǵy úndeýi sol jaqtaǵy stýdentterge arnalǵan.
«Oqý kelesi jyldyń qańtaryna deiin toqtatyldy. Onlain-rejimde sabaq oqi berýge bolady. Alaida bizdiń azamattar sol jerde qalǵan jaǵdaida tótenshe jaǵdaiǵa tap bolyp jatsa, bizdiń Bas konsýlǵa mindetti túrde habarlasý kerek. Qai kóshede narazylyqtyń bolyp jatqanyn bizdiń konsýldyń veb-saitynan kórýge bolady», - dedi ol.
QR SIM resmi ókili sonymen qatar, sol jaqta tutqynǵa alynǵan qazaqstandyq stýdent týraly da sóz etti.
«Qazirgi tańda tergeý júrip jatyr. Áke-sheshesi Gonkongke búgin ushyp keldi. Bizdiń diplomattar birneshe ret ol jigitpen kezdesti. Tergeý oqshaýlaǵyshyndaǵy ustaý jaǵdaiyna eshqandai shaǵym joq. Densaýlyǵy jaqsy. Oǵan qajetti zattardyń bári aparyldy. Advokat tabyldy. Endi tergeý nátijesin kútemiz. Ol birinshi kýrstyń stýdenti. Oǵan áli eshqandai aiyp taǵylmady», - dedi ol.
Eske sala ketsek, Gonkong qalasynda narazylar men politsiia arasyndaǵy qaqtyǵys kezinde Qazaqstan azamaty ustalǵany habarlanǵan bolatyn.
«Gonkong qalasy politsiiasynyń qazaqstandyq diplomattarǵa usynǵan aqparatyna sáikes, 18 qarasha kúni narazylyq tanytýshylarmen qaqtyǵys barysynda Qazaqstan azamaty, Gonkong Baptist ýniversitetiniń birinshi kýrs stýdenti Núkpi Ábilqaiyr ustalǵan. Konsýl azamatymyzǵa bardy, onyń densaýlyq jai-kúii turaqty, oń qolynyń shyntaǵynda ustaý kezinde qulaǵat sátte alǵan azdaǵan jaraqaty bar. Ustalý jaǵdaiyna eshqandai shaǵymy joq», - dep atap ótken edi ministrlikten.
Buǵan deiin Qazaqstannyń Gonkongtegi Bas konsýldyǵy Gonkongtegi (QHR) jaǵdaidyń shielenisýine jáne jappai narazylyq aktsiialarynyń jalǵasýyna bailanysty elimizdiń azamattaryna qalada qalyptasqan tótenshe jaǵdaidy eskerýdi ótingen bolatyn.
Buǵan qosa QR Syrtqy ister ministrliginiń resmi ókili Aibek Smadiiarov sol jaqtaǵy qazaqstandyq stýdentterdi elge oralýǵa shaqyrǵan edi.
