Foto: Ýáde baǵdarlamasy/fotoskrin
Depýtat Aigúl Quspan kóptegen áskeriler áskerdi tastap ketip jatqanyn, sondai-aq ofitserlerdi dekretke shyǵarý durys emes ekenin jetkizdi. Bul týraly ol "Ýáde" baǵdarlamasynda Erbolat Muhamedjanǵa bergen suhbatynda aitty, - dep habarlaidy Massaget.kz portaly.
Qazaqstan Respýblikasy Parlamenti Májilisiniń Halyqaralyq ister, qorǵanys jáne qaýipsizdik komitetiniń tóraiymy Aigúl Quspan qazirgi áskerdiń hal-ahýaly, dekrettik másele, kadr jetispeýshiligi týraly áńgimeledi.
"Er ofitserlerdiń dekretke shyǵý týraly sheshim 2014 jyly qabyldanǵan bolatyn. Alǵashynda olar úi aldy. 3-4 ofitser ǵana dekretke shyǵyp edi. Qazir 597 ofitser rahattanyp dekrette júr. Olardyń jalaqysy júredi, shenderi ósedi. Balaǵa qaraityn báribir úide áieli, mamasy, kútýshisi bar. Taksi júrgizýshisi bolsa da, basqa bir jumysqa kirip, kóp aqsha tabady. Bul uiatty jáne qaýipti nárse. Sebebi dekretke shyǵatyn ofitserler bizge kerekti kadr. Ol raketshik, tankist. Onyń ornyna daladan basqa, adamdy ala almaisyń. Ornyn qalai toltyramyz? "Qazir qorǵanys ministrligi ne isteýge bolady" – dep shyryldap júr. Múmkin osy normany qaita qarastyratyn shyǵarmyz. Bul bizdiń shyǵarǵanymyz emes, halyqaralyq norma. Jeneva qalasynda otyratyn, halyqaralyq eńbek uiymy bar. Solar áiel men er adamnyń quqyǵy bir. Balany tárbieleýge ekeýi de quqyly. Ol jái azamat bolsyn, áskeri adam bolsyn teń quqyly – deidi. Negizi dekretke áiel adam shyǵýy kerek. Bizdiń qazaq qoǵamyna bul ersi", - deidi depýtat.
Aigúl Quspannyń aitýynsha, dekretke shyqqan ofitserlerdiń ornyn toltyra almai jatyr.
"Dekretke shyqqan ofitserlerdiń ornyn toltyra almai jatyr. Vakansiialar kóp. Dekretke jibermeýge quqyǵy joq, biraq qaita shaqyryp alýǵa bolatyn shyǵar. Dekretke shyǵatyn ofitserlerdiń sany óse berýi múmkin. Dekretke shyǵatyn emes, jalpy bizdiń áskerden ótken jyly kóp adam ketti. Onyń barlyǵyna jalaqy, zeinetaqy jalpy jaǵdai sebep. Mysaly: Soltústiktegi shekara. Buryn ol jer shekara bolǵan joq, jái ǵana ákimshilik shekara edi. Resei – Qazaqstan arasyndaǵy dúniejúzindegi eń uzyn shekara. Ol jerge jańa zastavalar salý, sol jerdegi shekarashylarǵa úi salyp berý qyrýar qarjyny talap etedi. Sondyqtan olar bireýdiń úiinde turady. Olarǵa arnaiy tórt tósekti bir ǵana bólme beredi. Árqaisysynan 30 myń teńge alyp otyrady. Olardyń otbasy joq. Semiasy bolsa da, áiel, bala-shaǵasy olarǵa kelip kete almaidy. Bul jaǵdaiǵa kim shydaidy? Árine, eshkim shydamaidy", - deidi Aigúl Quspan.
