فوتو: ۋەدە باعدارلاماسى/فوتوسكرين
دەپۋتات ايگٷل قۇسپان كٶپتەگەن ەسكەريلەر ەسكەردٸ تاستاپ كەتٸپ جاتقانىن, سونداي-اق وفيتسەرلەردٸ دەكرەتكە شىعارۋ دۇرىس ەمەس ەكەنٸن جەتكٸزدٸ. بۇل تۋرالى ول "ۋەدە" باعدارلاماسىندا ەربولات مۇحامەدجانعا بەرگەن سۇحباتىندا ايتتى, - دەپ حابارلايدى Massaget.kz پورتالى.
قازاقستان رەسپۋبليكاسى پارلامەنتٸ مەجٸلٸسٸنٸڭ حالىقارالىق ٸستەر, قورعانىس جەنە قاۋٸپسٸزدٸك كوميتەتٸنٸڭ تٶرايىمى ايگٷل قۇسپان قازٸرگٸ ەسكەردٸڭ حال-احۋالى, دەكرەتتٸك مەسەلە, كادر جەتٸسپەۋشٸلٸگٸ تۋرالى ەڭگٸمەلەدٸ.
"ەر وفيتسەرلەردٸڭ دەكرەتكە شىعۋ تۋرالى شەشٸم 2014 جىلى قابىلدانعان بولاتىن. العاشىندا ولار ٷي الدى. 3-4 وفيتسەر عانا دەكرەتكە شىعىپ ەدٸ. قازٸر 597 وفيتسەر راحاتتانىپ دەكرەتتە جٷر. ولاردىڭ جالاقىسى جٷرەدٸ, شەندەرٸ ٶسەدٸ. بالاعا قارايتىن بەرٸبٸر ٷيدە ەيەلٸ, ماماسى, كٷتۋشٸسٸ بار. تاكسي جٷرگٸزۋشٸسٸ بولسا دا, باسقا بٸر جۇمىسقا كٸرٸپ, كٶپ اقشا تابادى. بۇل ۇياتتى جەنە قاۋٸپتٸ نەرسە. سەبەبٸ دەكرەتكە شىعاتىن وفيتسەرلەر بٸزگە كەرەكتٸ كادر. ول راكەتششيك, تانكيست. ونىڭ ورنىنا دالادان باسقا, ادامدى الا المايسىڭ. ورنىن قالاي تولتىرامىز? "قازٸر قورعانىس مينيسترلٸگٸ نە ٸستەۋگە بولادى" – دەپ شىرىلداپ جٷر. مٷمكٸن وسى نورمانى قايتا قاراستىراتىن شىعارمىز. بۇل بٸزدٸڭ شىعارعانىمىز ەمەس, حالىقارالىق نورما. جەنەۆا قالاسىندا وتىراتىن, حالىقارالىق ەڭبەك ۇيىمى بار. سولار ەيەل مەن ەر ادامنىڭ قۇقىعى بٸر. بالانى تەربيەلەۋگە ەكەۋٸ دە قۇقىلى. ول جەي ازامات بولسىن, ەسكەري ادام بولسىن تەڭ قۇقىلى – دەيدٸ. نەگٸزٸ دەكرەتكە ەيەل ادام شىعۋى كەرەك. بٸزدٸڭ قازاق قوعامىنا بۇل ەرسٸ", - دەيدٸ دەپۋتات.
ايگٷل قۇسپاننىڭ ايتۋىنشا, دەكرەتكە شىققان وفيتسەرلەردٸڭ ورنىن تولتىرا الماي جاتىر.
"دەكرەتكە شىققان وفيتسەرلەردٸڭ ورنىن تولتىرا الماي جاتىر. ۆاكانسييالار كٶپ. دەكرەتكە جٸبەرمەۋگە قۇقىعى جوق, بٸراق قايتا شاقىرىپ الۋعا بولاتىن شىعار. دەكرەتكە شىعاتىن وفيتسەرلەردٸڭ سانى ٶسە بەرۋٸ مٷمكٸن. دەكرەتكە شىعاتىن ەمەس, جالپى بٸزدٸڭ ەسكەردەن ٶتكەن جىلى كٶپ ادام كەتتٸ. ونىڭ بارلىعىنا جالاقى, زەينەتاقى جالپى جاعداي سەبەپ. مىسالى: سولتٷستٸكتەگٸ شەكارا. بۇرىن ول جەر شەكارا بولعان جوق, جەي عانا ەكٸمشٸلٸك شەكارا ەدٸ. رەسەي – قازاقستان اراسىنداعى دٷنيەجٷزٸندەگٸ ەڭ ۇزىن شەكارا. ول جەرگە جاڭا زاستاۆالار سالۋ, سول جەردەگٸ شەكاراشىلارعا ٷي سالىپ بەرۋ قىرۋار قارجىنى تالاپ ەتەدٸ. سوندىقتان ولار بٸرەۋدٸڭ ٷيٸندە تۇرادى. ولارعا ارنايى تٶرت تٶسەكتٸ بٸر عانا بٶلمە بەرەدٸ. ەرقايسىسىنان 30 مىڭ تەڭگە الىپ وتىرادى. ولاردىڭ وتباسى جوق. سەمياسى بولسا دا, ەيەل, بالا-شاعاسى ولارعا كەلٸپ كەتە المايدى. بۇل جاعدايعا كٸم شىدايدى? ەرينە, ەشكٸم شىدامايدى", - دەيدٸ ايگٷل قۇسپان.
