Qazaqstannyń Elektrondy Úkimet portaly saladaǵy jetekshi júielerdiń biri bolyp sanalady. Prezident Qasym-Jomart Toqaevtyń tóraǵalyǵymen ótip jatqan Sheteldik investorlar keńesiniń 33-jalpy otyrysynda - Eýropalyq qaita qurý jáne damý bankiniń prezidenti Odil Reno-Basso osyndai pikir bildirdi, dep habarlaidy QazAqparat.
«Prezident myrza men Úkimetterińizdiń kúsh salýynyń arqasynda Pandemiia kezinde kóptegen oń nátijelerge qol jetkize aldyq. Biraq, biz áldeqaida sapaly ekonomikalyq nátijelerge, ekonomikanyń neǵurlym básekege qabiletti salalaryna baǵdarlanýymyz kerek. Bul jeke sektorǵa ózgeristerdiń kezeńinde qozǵaýshy kúsh bolýǵa múmkindik bolar edi», - dedi Odil Reno-Basso.
Eýropalyq qaita qurý jáne damý bankiniń prezidenti qazirgi kezeń jeke sektor úshin úlken múmkindikter kezeńi bolyp otyrǵanyna nazar aýdartty.
«Negizgi eki baǵyt bar – tsifrlaný jáne innovatsiia, sondai-aq, ekologizatsiia. Tsifrlandyrýǵa kelsek, kóptegen oń nátijelerge qol jetkizildi. Sizderdiń Elektrondy Úkimet portaldaryńyz jetekshi júielerdiń biri retinde atalady. Biraq, sonymen birge tsifrlyq sektorǵa jeke sektordyń investitsiia salýy jaqsarý kerek. Bul eksport kólemin ulǵaitý baǵytynda bolýy kerek. Osyny qamtamasyz etý úshin Úkimetti ekojúieni nyǵaitýǵa shaqyrar edim. Bárinen buryn halyqtyń barlyq sanatynyń, oqýshydan bastap eresekterge deiin, tehnikalyq saýattylyǵyn arttyrýǵa barynsha resýrs salý kerek. Bul sizderdiń IT jáne shyǵarmashylyq salalardy damytyp, jergilikti aiaqtan turǵan eksporttaýshylardyń básekedegi artyqshylyǵyn arttyrady», - dedi EQDB basshysy.
Sondai-aq, ol Qazaqstanda innovatsiia men bizneske múmkindikter ashatyn tsirflyq platformalar qalyptasa bastaǵanyn atady.
«Mysaly, Eýropa qaita qurý jáne damý banki Almaty qalasynyń tsifrlyq syńaryn jasap jatyr. Bul joba adamdardyń ómirin jaqsartyp, investitsiia tartýǵa kómektesedi», - dedi Odil Reno-Basso.
