Obyrǵa qarsy immýndyq terapiianyń jańa ádistemesin jasap shyǵarǵan eki immýnolog dáriger - amerikandyq Djeims Allison men japondyq Tasýký Hondzio Nobel syilyǵynyń laýreaty atandy, dep habarlaidy QazAqparat Reuters agenttigine silteme jasap.
«Allison i Hondzio baiaýlatý túrli strategiialarynyń obyrdy emdeý kezinde qalai qoldanylatynyn kórsetti», - dep málimdedi Nobel assambleiasy Shvetsiianyń Karolinska institýtynda. Munda syilyq laýreattaryna 9 million shved kronasy ($1 million) taǵaiyndaldy.
Qos laýreat adam aǵzasy men onyń immýndyq jasýshalarynda isiktiń paida bolýynyń aldyn alatyn proteinderdi zerttegen.
Jyl saiyn meditsina salasyndaǵy syilyq eń birinshi berilip, Nobel aptalyǵyn ashyp otyrady. Laýreattardy marapattaý rásimi dástúr boiynsha 10 jeltoqsan kúni, Nobel syilyqtarynyń negizin qalaǵan shved kásipkeri ári ónertapqysh Alfred Nobel (1833-1896) qaitys bolǵan kúni ótedi.
