Foto: globalnews.kz
Almaty oblysy PD-niń baspasóz qyzmeti Rýstam Ábdirahmanovtan qylmystyq is boiynsha jaýap alynǵanyn rastady, - dep habarlaidy Massaget.kz portaly.
Buǵan deiin BAQ-ta Almaty oblysy Politsiia departamenti bastyǵynyń orynbasary Rýstam Ábdirahmanovtyń turǵylyqty jeri men jumys ornynda tintý júrgizilgeni týraly aqparat taraǵan bolatyn.
Tintý kásipkerlerdi bopsalady jáne reiderlik shabýyl jasady dep kúdikke ilingen Eldos Qospaev tobyna qatysty qylmystyq isti tergeý aiasynda júrgizildi degen boljam bar.
Almaty oblysy PD-niń baspasóz qyzmeti bul qylmystyq isti basqa quqyq qorǵaý organy júrgizip jatqanyn málimdedi.
"Osy is aiasynda Rýstam Ábdirahmanovtan kýáger retinde jaýap alyndy. Qazirgi ýaqytta Ábdirahmanov resmi jumys isteidi, qyzmetinen ýaqytsha shettetilgen joq", - delingen habarlamada.
Aita keteiik, Ábdirahmanov bul istiń tergeýine qatysty BAQ-qa pikir bildirýden bas tartty.
