Almaty oblystyq aýyl sharýashylyǵy basqarmasynyń basshysy S.Bekishovke qatysty sot úkimi shyqty. Bul jaiynda QR Sybailas jemqorlyqqa qarsy is-qimyl agentigi málim etti, dep habarlaidy "Ult aqparat".
«QR Sybailas jemqorlyqqa qarsy is-qimyl agenttiginiń Almaty oblystyq departamenti oblystyq aýyl sharýashylyǵy basqarmasynyń bastyǵy S.Bekishovke qatysty merdiger uiym basshysynan para alý faktisi boiynsha qylmystyq isti erte aiaqtady. Sot barysynda B.Artemov oblystyq máslihattyń depýtaty, sonymen qatar «ÝMR-3» JShS-niń basshysy bola otyryp, uly A.Artemovpen birge S.Bekishovke Talǵar sý torabyn kúrdeli jóndeý boiynsha oryndalǵan jumystardyń aktisine kedergisiz qol qoiý úshin 5 550 000 teńge para bergeni anyqtaldy», - dep atap ótedi vedomstvo.
Taratylǵan aqparatqa qaraǵanda, 10 shilde kúni Talǵar qalalyq sotynyń úkimimen S.Bekishov para alǵany úshin 4 jylǵa bas bostandyǵynan aiyryldy. Al B.Artemov pen A.Artemov para bergenderi úshin árqaisysy 55,5 mln teńgeden aiyppul tóleidi.
«Sotpen aiyppuldardy tóleý merzimi belgilengen jáne aiyppul tólenbegen jaǵdaida jazanyń bas bostandyǵynan aiyrýmen almastyrylatyndyǵy túsindirildi. Sottalǵan azamat ómir boiy memlekettik qyzmette laýazymdy qyzmet atqarý quqyǵynan aiyryldy», - delingen agentti aqparatynda.
