Búgin oblys ákimi Amandyq Batalovtyń tóraǵalyǵymen aimaqta qurylǵan daǵdarysqa qarsy vedomstvoaralyq jedel shtabtyń birinshi otyrysy ótti. Jiynda el Úkimetiniń Daǵdarysqa qarsy is-sharalar josparyn óńirde júzege asyrýdyń negizgi baǵyttary aiqyndaldy.
Amandyq Batalov jiynda daǵdarysqa qarsy sharalar qabyldaý men olardy júzege asyrýdy Elbasy men Prezident óz baqylaýlaryna alǵanyn atap ótti. Úkimette arnaiy shtab qurylyp, onyń is-sharalar jospary ázirlengenin aitty. Soǵan orai orai oblysta da osyndai shtab jumys isteitin bolady. Jáne Amandyq Batalovtyń tapsyrmasymen aldaǵy eki kúnde onyń is-jospary aiqyndalmaq.
Shtab jumysyn oblys ákimi Amandyq Batalov basqarady. Jumys tobynyń quramyna oblys ákiminiń orynbasarlary, oblystyq basqarma, departament basshylary, aýdan, qala ákimderi, «Jetisý» ÁKK basshylyǵy jáne t.b. engizildi.
Oblys ákimi óz sózinde osy baǵyttaǵy basty sharalar retinde áleýmettik mańyzy bar azyq-túlik baǵasynyń ósýine jol bermeý úshin Turaqtandyrý qorynyń jumysyn jandandyrý, taýarlar, qyzmetter, tarifter men kommýnaldyq qyzmetter baǵasyn baqylaý, eńbek naryǵynda turaqtylyqty saqtaý jáne jaǵdaidy monitoringilep otyrý, «Eńbek» baǵdarlamasy boiynsha aýyl turǵyndaryna nesie berýdi jalǵastyrý, eńbek qatynastaryn qorǵaý maqsatynda orta jáne iri kásiporyndarmen memorandýmdarǵa otyrý, jalaqy qaryzdaryn boldyrmaý kerektigin qatań eskertti. Sol siiaqty kóktemgi dala jumystaryn ýaqytyly bastaýdy, azyq-túlik qaýipsizdigin, naryqty aýyl sharýashylyǵy ónimderiniń qajetti kólemimen qamtamasyz etýdi de basty nazarda ustaýy kerektigin tapsyrdy. Óz kezeginde «Damý» qorymen birlesip shaǵyn jáne orta biznes sýbektilerine nesie berýdi qosymsha qarjylandyrý jaiyn da qarastyrǵan jón. Oblystaǵy iri kásiporyndar óz jaǵdailarynyń damýyna qatysty boljamdy nusqalar jasaýy tiis. Qazaqstandyq mazmundy ulǵaitýǵa erekshe kóńil bólinýi kerek.
Sonymen qatar A.Batalov imidjdik sharalardy ótkizýge baǵyttalǵan shyǵyndardy jáne biýdjettiń basymdyq berilmeitin shyǵyndaryn qysqartý, kólik, jihaz satyp alýdy toqtatý qajettigin de aitty. Oblys aýmaǵynda koronovirýs infektsiiasynyń týyndaýy men taralýyna jol bermeýdi basty mintet retinde atap ótti.
- Memleket basshysy eń aldymen halyqtyń aldyndaǵy áleýmettik mindettemelerdiń oryndalýyn qamtamasyz etýdi qatań tapsyrdy. Oǵan bizde qarjy tolyq kólemde qarastyrylǵan. Qajet bolsa, mańyzdy emes shyǵyndardy qysqartý esebinen bul qarjy kólemin arttyra alamyz. Biylǵy jyly 46 myńnan astam jumys ornyn qurýdy josparlap otyrmyz. Oǵan qosa biz eńbek naryǵynyń qajettiligin zerttep bilip otyrýymyz kerek, jáne soǵan qarai kadrlardy qaita oqytyp, jumysqa ornalastyrýǵa tiispiz. Oblysta júzege asyrylyp jatqan iri-iri jobalar bar, solarǵa qajetti mamandyqtardy aiqyndap, azamattardy turaqty jumys oryndarymen qamtýdy belsendi atqarýymyz kerek. Dúrligýdiń qajeti joq, buryn qalai jumys istesek, dál solai jumys jasaimyz, tek qoǵamdyq-saiasi turaqtylyqty baqylaý, baǵany monitoringileý siiaqty mańyzdy jumystardyń qarqynyn kúsheitýimiz kerek. Bul oblysqa ǵana emes, barlyq aýdan, qalalarǵa da qatysty, - dedi A. Batalov.
Almaty oblysy ákiminiń baspasóz qyzmeti
