Elimizde koronavirýs infektsiiasynyń laboratoriialyq dáleldengen jaǵdaiynyń tirkelýine bailanysty onyń oblys aýmaǵyna kelýi men taralýyna jol bermeý maqsatynda Almaty oblysynyń bas sanitar dárigeri Qairat Baimuhambetov «Almaty oblysynda koronavirýs infektsiiasynyń kelýi men taralýyna jol bermeý jónindegi sharalardy kúisheitý týraly» qaýly qabyldady, dep habarlaidy "Ult aqparat".
Bul qaýly tiisti zańnamalarǵa jáne QR Densaýlyq saqtaý ministri men Almaty oblysynyń ákimimen bekitilgen «Qazaqstan Respýblikasynda koronavirýs infektsiiasy anyqtalǵan jáne taralǵan jaǵdaida áreket etý algoritmine» sáikes qabyldandy.
Qaýlyda «Qorǵas» HShYO jumysyn 15 naýryzdan bastap toqtatý jáne «Qorǵas» ShHYO-nyń oblystyń bas memlekettik sanitarlyq dárigeriniń erekshe ókimi shyqqanǵa deiin jabyq bolatyny týraly aitylǵan. Sol siiaqty qaýlyǵa sáikes barlyq óndiristik ǵimarattarda sanitarlyq-dezinfektsiialyq kúsheitilgen rejim júrgiziledi. Azamattar jappai jáne uzaq merzim bolatyn ǵimarattarda qol jýýǵa arnalǵan dezinfektsiialaýshy quraly bar jabdyqtar (sanitaizerler) ornatylýy tiis.
