© Sputnik / Vladislav Vodnev
Májilistegi "Aq jol" fraktsiiasynyń depýtattary oblys pen respýblikalyq mańyzy bar qala ákimderiniń jumys merzimin bes jyldyq merzimmen shekteýdi usyndy, dep habarlaidy Sputnik Qazaqstan agenttigi.
Depýtat Erlik Ómirǵalidiń aitýynsha, otyz jyl boiy Qazaqstanda bir ǵana partiia bilikke monopoliia jasady. Sol sebepti ol oblys pen qala ákimderine saiasi partiiaǵa múshe bolýǵa tyiym salý kerek dep esepteidi.
"Ákimder tek óz ainalasyna ǵana emes, óz óńiriniń barlyq azamatyna qyzmet kórsetýge tiis. Ákimderdiń partiiaǵa múshe bolýyn toqtatý týraly usynys negizdi jáne konstitýtsiialyq reformaǵa sai keledi dep sanaimyz", - dedi Erlik Ómirǵali Premer-ministrge joldaǵan depýtattyq saýalynda.
Osyǵan bailanysty "Aq jol" depýtattyq fraktsiiasy Úkimetke mynadai normalarǵa bastama jasaýdy usyndy:
1. oblys pen qala ákimderine laýazym atqarý kezinde saiasi partiialardyń múshesi bolýǵa tyiym salý;
2. oblys pen respýblikalyq mańyzy bar qala ákimi laýazymyn atqarý merzimin bir rettik 5 jyldyq merzimmen shekteý.
