Qurama Shtattar «qaishylyqtardyń qiyndyǵynan» Reseimen Siriiadaǵy jaǵdaidy retteýge bailanysty kelissózge kele almaidy, dep málimdedi AQSh prezidenti Barak Obama jeksenbide. Bul týraly centralasian.org portaly jazyp otyr.
Obamanyń sózinshe, eki el Siriiadaǵy soǵysty toqtatý úshin jasalyný kerek naqty sharttar boiynsha kelisimge kele almady. Qandai toptarǵa áýe soqqysyn jasaý kerek degen másele boiynsha qaishylyqtar týyndap, sol kúii sheshilmei qaldy deidi ol. Alaida Obama Máskeý men Vashington arasynda kelissózder jalǵasatynyn atap ótti.
Siriiadaǵy azamatttyq soǵys 2011 jyldan beri jalǵasyp keledi. Qurama Shtattar men Resei janjaldy retteýge jáne aimaqtaǵy radikaldy islammen birlesip kúresýge tyrysyp keledi.
AQSh Siriianyń ustamdy oppozitsiiasyna qoldaý kórsetetin topqa Resei áýe shabýylyn jasap keledi dep birneshe ret aiyptaǵan.
