AQSh prezidenti Barak AQSh-tyń Irakqa basyp kirgendegi qateligi DAISh-tyń qurylýyna sebep bolǵanyn moiyndady, - dep habarlaidy RIA Novosti.
"Biz jaýapty is-qimyldar qandai bolatyny týraly sheshim qabyldar kezde DAISh bolyp qurylǵan uiymnyń bas kóterýine jol bergen 2003 jylǵy qatelikterdi qaitalamaýǵa tyrystyq", - dedi Obama terrorizmge qarsy kúres týraly sózinde.
Onyń aitýynsha, 2014 jyldan beri negizgi kómek DAISh-pen kúresip jatqan Iraktyń "ulttyq birlik úkimetine" jasalyp otyr. Sonymen qatar, Barak Obama AQSh 60 elden turatyn, sonyń ishinde Irakqa kórshiles elder kiretin koalitsiia qurǵanyn eske saldy.
"Osydan keiin biz Siriia men Irakta (lańkestermen) kúresýdi bastadyq. Amerikalyq batalondar kúshimen emes, jabdyq, keńesshiler jáne arnaiy jasaq arqyly qoldaý kórsetip otyrǵan jergilikti kúshtermen", - deidi AQSh prezidenti.
Ol koaltsitsianyń 16 myń áýe soqqysyn jasaǵanyn jáne DAISh basyp alǵan aýmaqtardyń jartysy qaitarylǵanyn eske saldy.
kaz.tengrinews.kz
