Niý-Iorkte júk kóliginiń jaiaý júrginshilerdi qaǵyp ketý saldarynan jeti adam qaza tapty, keminde 15 adam zardap shekti, - dep habarlaidy ABC.
31 qazanda Niý-Iorkte júk kóliginiń júrgizýshisi Manhettonda jaiaý júrginshilerdi qaqqan. Ol óz jolyndaǵy velosipedshilerdi de qaǵyp, birneshe kóshe boiy júrip ótken. Sonymen qatar, júk kóliginiń oqýshylar avtobýsyna soǵysqany habarlandy. Sodan keiin júrgizýshi kólikten shyǵyp, peintbolǵa arnalǵan tapanshany qolyna ala bergende politseiler oǵan oq atqan. Kúdikti aýrýhanada jatyr.
Qaza tapqan azamattardyń beseýi argentinalyqtar ekeni anyqtaldy. Qaza tapqan argentinalyq azamattardyń esimi: Ernan Diego Mendosa, Diego Enrike Angelini, Alehandro Damiano Panýkko, Ariel Erlih jáne Ernana Ferrýchidiń.
Osy oqiǵanyń saldarynan segiz adam qaza tapty jáne onnan asa adam zardap shekti. Niý-Iork meri Bill De Blazio oqiǵany lańkestik dep atady.
Amerikalyq BAQ málimetinshe, ustalǵan lańkes - Ózbekstan azamaty. Ol AQSh-qa 2010 jyly kelgen 29 jastaǵy Sýifýlo Saipov. Quqyq qorǵaý organdaryndaǵy derekkóz málimetinshe, kúdikti kóliginde qysqasha hat qaldyryp ketken, onda ol osy lańkestik aktisin DAISh atynan istegeni jazylǵan.
Sonymen qatar lańkestik jasady degen kúdikti Uber kompaniiasynda júrgizýshi bolyp istegen. Uber ókili kúdiktiniń kompaniiada jumys istegenin rastady jáne jumysqa alynarda ómirbaiany tekserilgenin málimdedi. Qazir ony Uber paraqshasynda shektep tastaǵany habarlanyp otyr. Kompaniia Federaldy tergeý biýrosy jáne quqyq qorǵaý organdarymen bailanysta.
Al AQSh prezidenti Donald Tramp qaza bolǵandardyń otbasyna kóńil aityp, "Biz IM sekildi terroristik uiymdarǵa elimizde kirýine jol bermeýimiz kerek. Jeter endi!" dep málimdedi.
