Koronavirýspen aýyrǵandardyń jalpy sany álem boiynsha 600 myńnan asty. Bul týraly Habar24 arnasynda ótken onlain brifingte aityldy, dep habarlaidy QazAqparat.
«Tótenshe jaǵdai shekteýlerine túsinistik tanytyp, karantin rejimin saqtap otyrǵandaryńyz úshin alǵys aitamyz. Karantin rejimin buzǵan biraz oqiǵany anyqtap jatyrmyz, biraq halyqtyń basym kópshilgi dárigerler keńesine qulaq asyp, úilerinde qalýda», - deidi QR Aqparat jáne qoǵamdyq damý ministri Dáýren Abaev.
Ol karantin tártibin saqtaý óte mańyzdy ekenin aitty.
«Koronavirýs álemde qalai órship jatqanyn kórip otyrǵan bolarsyzdar. Niý-Iorkte ár 17 minýt saiyn koronavirýstan bir adam kóz jumýda. Aýyrǵandardyń jalpy sany álem boiynsha 600 myńnan asty. Ólim kórsetkishi 4,6%. Bul joǵary kórsetkish bolyp esepteledi», - deidi ol.
