QR Ádilet ministrligi Niý-Iork sotynyń 2019 jylǵy 30 qyrkúiektegi sheshimine qatysty aqparatty jariialady, dep habarlaidy "Ult aqparat" ministrlik saityna silteme jasap.
Niý-Iorktegi sot qaraýy budan tórt jyl buryn Almaty qalasy ákimdiginiń jáne ortaq talapker BTA Banktiń Muhtar Ábiliazov pen onyń qylmystyq sybailastaryn Qurama Shtattarda urlanǵan aqsha qarajatynyń izin jasyrdy dep aiyptaǵan talap-aryzy boiynsha qozǵalǵan bolatyn. Sol kezden beri Almaty ákimdigi Muhtar Ábiliazovtiń jasaǵan qylmystaryn rastaityn eleýli dáleldemeler jinady, sondai-aq sol qylmystardyń kóptegen kýálarynyń jaýaptaryn aldy. Qaraýdyń sotqa deiingi satysy qazirgi ýaqytta aiaqtalýǵa jaqyn jáne Almaty ákimdigi AQSh alqabiler sotynyń aldyndaǵy sot qaraýy 2020 jyly ótedi dep sanaidy.
Niý-Iork sotynyń 2019 jylǵy 30 qyrkúiektegi sheshimi osy sot qaraýyn edáýir jeńildetedi. Bul is 2015 jyly birinshi ret qozǵalǵan kezde Almaty ákimdigi jáne ortaq talapker BTA Bank talaptarynyń qataryna Niý-Iorktegi Flatotel degen atpen belgili jyljymaityn múlikti qaitarýǵa negizdelgen «alaiaqtyq jolmen tabystaý» týraly talap-aryzyn qosqan. Abliazov pen onyń sybailastary Almaty ákimdiginiń aktivterin qaitarýyn boldyrmaý maqsatynda 2014 jyly bul múlikti satyp jibergen.
Niý-Iork sýdiasy óziniń sheshiminde «alaiaqtyq jolmen tabystaý týraly talap-aryzdyń máni is aiaqtalǵanda Almaty ákimdigi men ortaq talapker BTA Bank jeńiske jetken jaǵdaida sot sheshimin oryndaý úshin Flatotel-ge qol jetimdilikti qamtamasyz etýde» dep túsindirdi. Alaida, bizge belgili bolǵandai, 2015 jyldyń sońynda Almaty ákimdigi jáne ortaq talapker BTA Bank Niý-Iork sáýlet ǵimaratyn salýshysynyń menshigindegi jyljymaityn múlikti ózine sátti túrde qaitaryp alǵan. Sondyqtan osy aptada sýdia talapkerler bul talap-aryzdy óz múligin ózine qaitaryp alý arqyly áldeqaida jeńip qoiǵandyqtan alaiaqtyq jolmen tabystaý týraly talap-aryzdyń qajeti joq ekendigi týraly sheshim qabyldady.
Sottyń sheshimi qandai da bir basqa talaptarǵa áser etpeidi jáne Almaty ákimdigi men ortaq talapker BTA Bank is qaraýdyń sońynda alýdy úmittenip otyrǵan zalaldy óteýge áser etpeidi.
Odan bólek, sot sheshimi Abliazovty nemese onyń sybailastaryn qoldaityn dáleldemelerge emes, tehnikalyq quqyqtyq máselege negizdelgen. Almaty ákimdigi men ortaq talapker BTA Bank baiaǵysynsha alqabiler Abliazov pen onyń sybailastarynyń osy qylmystardy jasaǵandyǵyna kózderi jetip, oǵan qosa talapkerlerge aqsha qarajattaryn, sonyń ishinde talapkerler istiń basynda sátti túrde tyiym salǵan ondaǵan million dollardy qaitaratyndyǵyna senimdi.
