Niý-Iorktiń óner súier qaýymy úshin karantin aiaqtaldy: alty ai karantinnen keiin Mone nemese Pikasso týyndylaryn tamashalap, Djakommetti músinine súisinýge bolady. Osy aptada Manhettendegi zamanaýi óner mýzeii (MoMA) óz esigin qaita ashty, degenmen adamdar ázirge burynǵydai kóp jinalyp jatqan joq, dep habarlaidy Euronews.
«Maǵan Pablo Pikasso men Jorja Sioranyń kartinalary unaidy, ol ekeýi meniń súiikti sýretshim», - deidi jas Eliana. Al, onyń anasy bylai deidi: «Mýzeidiń qaita ashylatynyn estigende birden bilet satyp aldym, sebebi óz-ózime bylai degen edim: «Biz onda mindetti túrde barýymyz kerek».
Metropoliten mýzeii de jurtshylyqqa ashyldy, biraq ázirge onda kiretin adamdar sany shekteýli bolyp otyr.
«Úlken alma» mýzeilerinde qatań ereje saqtalady: munda maska taǵyp, kirerde temperatýra ólsheidi jáne onda barý úshin aldyn ala ýaqyt belgileýi tiis. Al, mýzeidegi adamdar sany 25%-dan aspaýy tiis. Sondyqtan, Metropoliten ashylǵan alǵashqy kúni ádettegidei 30-40 myń adam emes, 10 myń adam keldi.
Pandemiia saldarynan Niý-Iorktegi mýzeiler Eýropadaǵyǵa qaraǵanda áldeqaida shyǵynǵa batty. Sebebi, olardyń biýdjeti bilet satylymyna bailanysty.
Metropoliten jabylǵan ýaqyt ishinde 150 mln dollar joǵaltyp, 400 qyzmetkerin qysqartty.
