Májilis spikeri Nurlan Nyǵmatýlinniń tóraǵalyǵymen Palatanyń Biýro otyrysy ótip, aldaǵy jalpy otyrystyń kún tártibi naqtylandy, – dep habarlaidy tómengi palatanyń baspasóz qyzmeti.
Aldaǵy sársenbide Májilis depýtattary EAEO múshe memleketterdiń qarjy naryǵy salasyndaǵy zańnamasyn úilestirý týraly kelisimdi ratifikatsiialaýǵa qatysty zań jobasyn qaraidy. Bul kelisim qyzmet kórsetý sektorlarynda baǵaly qaǵazdar naryǵyndaǵy qyzmet túrlerin júzege asyrýǵa arnalǵan litsenziialardy ózara tanýdy qamtamasyz etý úshin jadailar jasaidy.
Sondai-aq jalpy otyrysta, mindetti áleýmettik saqtandyrý týraly jáne oǵan ilespe zań jobalary ekinshi oqylymda qaralady dep kútilýde. Al jumysqa qabyldanatyn zań jobalary qatarynda mamandandyrylǵan mekemelerdiń artyqshylyqtary men immýnitetteri týraly konventsiiany, sonymen qatar, tunshyqtyratyn, ýly nemese basqa da uqsas gazdar men bakteriologiialyq quraldardy soǵysta qoldanýǵa tyiym salý týraly hattamany, 1992 jylǵy 15 mamyrdaǵy Ujymdyq qaýipsizdik týraly shartqa ózgerister engizý týraly ekinshi hattamany, 2002 jylǵy 7 qazandaǵy Ujymdyq qaýipsizdik týraly shart uiymynyń Jarǵysyna ózgerister engizý týraly ekinshi hattamany, 2002 jylǵy 7 qazandaǵy Ujymdyq qaýipsizdik týraly shart uiymynyń Jarǵysyna ózgerister engizý týraly úshinshi hattamany, 2002 jylǵy 7 qazandaǵy Ujymdyq qaýipsizdik týraly shart uiymynyń quqyqtyq mártebesi týraly kelisimge ózgerister engizý týraly ekinshi hattamany ratifikatsiialaýǵa qatysty qujattardy airyqsha atap ótýge bolady.
