OSK Májilis depýtaty Nurlan Nyǵmatýlinniń ókilettigin merziminen buryn toqtatý týraly usynys engizdi, - dep habarlaidy Tengrinews.kz.
Ortalyq sailaý komissiiasynyń saitynda jariialanǵan qaýlyǵa sáikes, ótinish berýine bailanysty Májilis depýtaty Nurlan Nyǵmatýlinniń ókilettigi merziminen buryn toqtatylǵan.
OSK depýtat Nyǵmatýlinniń ókilettigin merziminen buryn toqtatý týraly usynysty Májiliske engizý týraly sheshim qabyldady.
Aita keteiik, Nurlan Nyǵmatýlin 1962 jyly 31 tamyzda Qaraǵandy qalasynda dúniege kelgen.
Qaraǵandy politehnikalyq institýtyn bitirgen. Saiasi ǵylymdar doktory. Institýtty bitirgennen keiin "Qaraǵandyoblgaz" óndiristik birlestigi avtokolonnasynyń injeneri, bastyǵy bolyp jumys istegen.
1985-1990 jyldary - Qazaqstan LKJO Lenin aýdandyq komitetiniń birinshi hatshysy, Qazaqstan LKJO OK komsomol uiymdary bólimi meńgerýshisiniń orynbasary, Qazaqstan LKJO Qaraǵandy oblystyq komitetiniń hatshysy, birinshi hatshysy.
1990-1993 jyldary - Qazaqstan jastar uiymdary komitetiniń tóraǵasy.
1993-1995 jyldary - "Tengri" qazaq-amerikalyq birlesken kásiporynnyń prezidenti.
1995-1999 jyldar aralyǵynda - Qazaqstan Respýblikasy Prezidenti Ákimshiliginiń Uiymdastyrý-baqylaý bóliminiń memlekettik inspektory, bólim meńgerýshisiniń orynbasary.
1999-2002 jyldary - Astana qalasy ákiminiń orynbasary.
2002-2004 jyldar aralyǵynda - Qazaqstan Respýblikasy kólik jáne kommýnikatsiia vitse-ministri.
2004-2006 jyldary - Qazaqstan Respýblikasy Prezidenti Ákimshiligi Basshysynyń orynbasary.
2006-2009 jyldar aralyǵynda - Qaraǵandy oblysynyń ákimi.
2009-2012 jyldar aralyǵynda - Nur Otan Halyqtyq Demokratiialyq partiiasy Tóraǵasynyń Birinshi orynbasary.
2012 jylǵy 20 qańtar - 2014 jylǵy 3 sáýir aralyǵynda besinshi sailanǵan Qazaqstan Respýblikasy Parlamenti Májilisiniń Tóraǵasy, Nur Otan Halyqtyq Demokratiialyq partiiasynyń Qazaqstan Respýblikasy Parlamenti Májilisindegi fraktsiiasynyń jetekshisi.
2014 jylǵy 3 sáýir - 2016 jylǵy 21 maýsym aralyǵynda Qazaqstan Respýblikasy Prezidenti Ákimshiliginiń Basshysy qyzmetin atqardy.
2016 jylǵy 22 maýsymnan bastap altynshy sailanǵan Qazaqstan Respýblikasy Parlamenti Májilisiniń Tóraǵasy bolyp biraýyzdan sailandy, Nur Otan partiiasynyń múshesi, partiialyq tizim boiynsha sailanǵan.
2019 jylǵy 22 tamyznan - Nur Otan Partiiasynyń Májilistegi Fraktsiiasynyń jetekshisi.
2021 jylǵy 14 qantardan - Nur Otan Partiiasynyń Májilistegi Fraktsiiasynyń jetekshisi.
2021 jylǵy 15 qantardan - jetinshi sailanǵan Qazaqstan Respýblikasy Parlamenti Májilisiniń Tóraǵasy bolyp biraýyzdan sailandy.
"Qazaqstan Respýblikasynyń Tuńǵysh Prezidenti - Elbasy Nursultan Nazarbaev", "Qurmet", II dárejeli "Barys" ordenderimen marapattalǵan.
