Búgin Májilis spikeri Nurlan Nyǵmatýlinniń tóraǵalymen jalpy otyrys ótti. Onda depýtattar Ekologiialyq Kodekstiń jobasyn birinshi oqylymda maquldady, dep habarlaidy "Ult aqparat" tómengi palatanyń baspasóz qyzmetine silteme jasap.
Ol qorshaǵan ortany qorǵaý salasynda memlekettik retteý men basqarýdyń neǵurlym tiimdi jáne aiqyn júiesin qurýǵa baǵyttalǵan.
Kodeks jobasy boiynsha baiandama jasaǵan Ekologiia, geologiia jáne tabiǵi resýrstar ministri Maǵzum Myrzaǵalievke depýtattar birqatar suraqtar qoiyp, pikirlerin bildirdi.
Osy rette, Májilis tóraǵasy atalǵan Kodeks jobasyndaǵy keibir olqylyqtardy ashyp kórsetti. «Máselen, Qaraǵandy oblysynyń Ulytaý aýdany turǵynynyń 5-10 taýyǵy bar delik. Ony deklaratsiialaý úshin ol oblystyq tabiǵi resýrstar basqarmasyna barýy kerek. Al ol oblys ortalyǵynda ornalasqan. Iaǵni, ol tipti 5 emes, tipti 1 taýyǵyn deklaratsiialaý úshin 700 shaqyrymdy júrýi kerek. Kodekste osylai jazylǵan. Nelikten olai? Siz Kodekste «100 jáne odan tómen bas úshin» dep jazasyz. Oǵan, iaǵni, mal bolsyn, qus bolsyn kiredi. Ol sanǵa 99 maldy da, 1 maldy da kirgizýge bolady. Álbette bir tabynnyń bir taýyqqa qaraǵanda ekologiiaǵa tigizetin áseri mol ekenin aldymen túsinip alý kerek. Zań jobasynyń osyndai normasyn oqyǵan kezde oilaisyń, bul normany jazǵan adam aýylda boldy ma, bolmaǵan shyǵar? Shirkin, osy normany jazǵan mamandy eki-úsh aiǵa aýylǵa jiberse ǵoi. Sonda taýyq pen siyrdyń aiyrmashylyǵyn túsinetin bolar, - dedi Nurlan Nyǵmatýlin.
Osy másele boiynsha jalpy otyrys barysynda oǵan ilespe zań jobasy da talqylandy. Depýtat Taras Hitýov Ulttyq ekonomika ministrligine ekologiialyq tólemderdiń elimiz óńirleriniń jergilikti ekologiialyq qajettilikterine júz paiyz baǵyttalýy týraly normalar bar ekenin aityp, suraǵyn qoidy. Sonymen qatar, bul qarajattyń jumsalý tártibi men nysanaly maqsaty kózdelmegenin jetkizdi.
Sondyqtan depýtattar ekologiialyq tólemderdiń jergilikti biýdjetke túsip, qorshaǵan ortany qorǵaý jónindegi is-sharalarǵa ǵana baǵyttalýy úshin túzetýler usyndy.
Osy rette, Nurlan Nyǵmatýlin bul normanyń óte mańyzdy ekenin alǵa tarta kelip, «kóp bolsa da, az bolsa da, ekologiialyq tólemder jergilikti biýdjetke túsedi. Odan keiin - ol aqsha qaida, qandai maqsatqa jumsalady, ony bir Qudai biledi. Jasyratyny joq, sol aqsha ekologiiadan basqa da sharalarǵa jumsalatyn jaǵdailar bolady. Endi osy Zań jobasyna sáikes, ekologiialyq tólemder tek ǵana qorshaǵan ortany qorǵaý sharalaryna jumsalatyn bolady. Túsken aqshanyń 100 paiyzy. Bul óte durys, óte qajetti dep oilaimyn. Sondyqtan, bul normany qoldaý kerek, - dep atap ótti.
Osyǵan sáikes, Nurlan Nyǵmatýlinniń aitýynsha, jalpy Ekologiialyq Kodeks Májilis maquldaǵan zań jobalary qataryna taǵy bir óte mańyzdy qujat. Bul Kodeks boiynsha depýtattar jyl basynan beri kóptegen otyrystar, talqylaýlar ótkizgen. Zań jobasyn talqylaýǵa depýtattarmen qatar, osy saladaǵy kásibi mamandar, sarapshylar, iri ónerkásip ókilderi jáne qoǵam belsendileri qatysty.
Osy ózekti máseleni qorytyndylaý barysynda Májilis spikeri Memleket basshysy Qasym-Jomart Toqaevtyń Ekologiialyq Kodeksti jyl sońyna deiin qabyldaý týraly naqty tapsyrma bergenin eske saldy. «Osyǵan orai, depýtattar osy saladaǵy problemalardy sheshýge, sonymen birge, ekologiiany taza ustaýǵa, qorǵaýǵa, jáne tabiǵi bailyqtardy saqtaýǵa qatysty mańyzdy normalardy engizdi, dei kele, jańa Kodekstiń zamanǵa sai tehnologiialardy paidalana otyryp, elimizdiń ekologiialyq jaǵdaiyn jaqsartýǵa arnalǵan naqty qadam ekenine erekshe toqtaldy.
