بٷگٸن مەجٸلٸس سپيكەرٸ نۇرلان نىعماتۋليننٸڭ تٶراعالىمەن جالپى وتىرىس ٶتتٸ. وندا دەپۋتاتتار ەكولوگييالىق كودەكستٸڭ جوباسىن بٸرٸنشٸ وقىلىمدا ماقۇلدادى, دەپ حابارلايدى "ۇلت اقپارات" تٶمەنگٸ پالاتانىڭ باسپاسٶز قىزمەتٸنە سٸلتەمە جاساپ.
ول قورشاعان ورتانى قورعاۋ سالاسىندا مەملەكەتتٸك رەتتەۋ مەن باسقارۋدىڭ نەعۇرلىم تيٸمدٸ جەنە ايقىن جٷيەسٸن قۇرۋعا باعىتتالعان.
كودەكس جوباسى بويىنشا بايانداما جاساعان ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆكە دەپۋتاتتار بٸرقاتار سۇراقتار قويىپ, پٸكٸرلەرٸن بٸلدٸردٸ.
وسى رەتتە, مەجٸلٸس تٶراعاسى اتالعان كودەكس جوباسىنداعى كەيبٸر ولقىلىقتاردى اشىپ كٶرسەتتٸ. «مەسەلەن, قاراعاندى وبلىسىنىڭ ۇلىتاۋ اۋدانى تۇرعىنىنىڭ 5-10 تاۋىعى بار دەلٸك. ونى دەكلاراتسييالاۋ ٷشٸن ول وبلىستىق تابيعي رەسۋرستار باسقارماسىنا بارۋى كەرەك. ال ول وبلىس ورتالىعىندا ورنالاسقان. ياعني, ول تٸپتٸ 5 ەمەس, تٸپتٸ 1 تاۋىعىن دەكلاراتسييالاۋ ٷشٸن 700 شاقىرىمدى جٷرۋٸ كەرەك. كودەكستە وسىلاي جازىلعان. نەلٸكتەن ولاي? سٸز كودەكستە «100 جەنە ودان تٶمەن باس ٷشٸن» دەپ جازاسىز. وعان, ياعني, مال بولسىن, قۇس بولسىن كٸرەدٸ. ول سانعا 99 مالدى دا, 1 مالدى دا كٸرگٸزۋگە بولادى. ەلبەتتە بٸر تابىننىڭ بٸر تاۋىققا قاراعاندا ەكولوگيياعا تيگٸزەتٸن ەسەرٸ مول ەكەنٸن الدىمەن تٷسٸنٸپ الۋ كەرەك. زاڭ جوباسىنىڭ وسىنداي نورماسىن وقىعان كەزدە ويلايسىڭ, بۇل نورمانى جازعان ادام اۋىلدا بولدى ما, بولماعان شىعار? شٸركٸن, وسى نورمانى جازعان ماماندى ەكٸ-ٷش ايعا اۋىلعا جٸبەرسە عوي. سوندا تاۋىق پەن سيىردىڭ ايىرماشىلىعىن تٷسٸنەتٸن بولار, - دەدٸ نۇرلان نىعماتۋلين.
وسى مەسەلە بويىنشا جالپى وتىرىس بارىسىندا وعان ٸلەسپە زاڭ جوباسى دا تالقىلاندى. دەپۋتات تاراس حيتۋوۆ ۇلتتىق ەكونوميكا مينيسترلٸگٸنە ەكولوگييالىق تٶلەمدەردٸڭ ەلٸمٸز ٶڭٸرلەرٸنٸڭ جەرگٸلٸكتٸ ەكولوگييالىق قاجەتتٸلٸكتەرٸنە جٷز پايىز باعىتتالۋى تۋرالى نورمالار بار ەكەنٸن ايتىپ, سۇراعىن قويدى. سونىمەن قاتار, بۇل قاراجاتتىڭ جۇمسالۋ تەرتٸبٸ مەن نىسانالى ماقساتى كٶزدەلمەگەنٸن جەتكٸزدٸ.
سوندىقتان دەپۋتاتتار ەكولوگييالىق تٶلەمدەردٸڭ جەرگٸلٸكتٸ بيۋدجەتكە تٷسٸپ, قورشاعان ورتانى قورعاۋ جٶنٸندەگٸ ٸس-شارالارعا عانا باعىتتالۋى ٷشٸن تٷزەتۋلەر ۇسىندى.
وسى رەتتە, نۇرلان نىعماتۋلين بۇل نورمانىڭ ٶتە ماڭىزدى ەكەنٸن العا تارتا كەلٸپ, «كٶپ بولسا دا, از بولسا دا, ەكولوگييالىق تٶلەمدەر جەرگٸلٸكتٸ بيۋدجەتكە تٷسەدٸ. ودان كەيٸن - ول اقشا قايدا, قانداي ماقساتقا جۇمسالادى, ونى بٸر قۇداي بٸلەدٸ. جاسىراتىنى جوق, سول اقشا ەكولوگييادان باسقا دا شارالارعا جۇمسالاتىن جاعدايلار بولادى. ەندٸ وسى زاڭ جوباسىنا سەيكەس, ەكولوگييالىق تٶلەمدەر تەك عانا قورشاعان ورتانى قورعاۋ شارالارىنا جۇمسالاتىن بولادى. تٷسكەن اقشانىڭ 100 پايىزى. بۇل ٶتە دۇرىس, ٶتە قاجەتتٸ دەپ ويلايمىن. سوندىقتان, بۇل نورمانى قولداۋ كەرەك, - دەپ اتاپ ٶتتٸ.
وسىعان سەيكەس, نۇرلان نىعماتۋليننٸڭ ايتۋىنشا, جالپى ەكولوگييالىق كودەكس مەجٸلٸس ماقۇلداعان زاڭ جوبالارى قاتارىنا تاعى بٸر ٶتە ماڭىزدى قۇجات. بۇل كودەكس بويىنشا دەپۋتاتتار جىل باسىنان بەرٸ كٶپتەگەن وتىرىستار, تالقىلاۋلار ٶتكٸزگەن. زاڭ جوباسىن تالقىلاۋعا دەپۋتاتتارمەن قاتار, وسى سالاداعى كەسٸبي ماماندار, ساراپشىلار, ٸرٸ ٶنەركەسٸپ ٶكٸلدەرٸ جەنە قوعام بەلسەندٸلەرٸ قاتىستى.
وسى ٶزەكتٸ مەسەلەنٸ قورىتىندىلاۋ بارىسىندا مەجٸلٸس سپيكەرٸ مەملەكەت باسشىسى قاسىم-جومارت توقاەۆتىڭ ەكولوگييالىق كودەكستٸ جىل سوڭىنا دەيٸن قابىلداۋ تۋرالى ناقتى تاپسىرما بەرگەنٸن ەسكە سالدى. «وسىعان وراي, دەپۋتاتتار وسى سالاداعى پروبلەمالاردى شەشۋگە, سونىمەن بٸرگە, ەكولوگييانى تازا ۇستاۋعا, قورعاۋعا, جەنە تابيعي بايلىقتاردى ساقتاۋعا قاتىستى ماڭىزدى نورمالاردى ەنگٸزدٸ, دەي كەلە, جاڭا كودەكستٸڭ زامانعا ساي تەحنولوگييالاردى پايدالانا وتىرىپ, ەلٸمٸزدٸڭ ەكولوگييالىق جاعدايىن جاقسارتۋعا ارنالعان ناقتى قادام ەكەنٸنە ەرەكشە توقتالدى.
