Májilis Tóraǵasy, Nur Otan partiiasy fraktsiiasynyń jetekshisi Nurlan Nyǵmatýlin Qazaqstannyń Tuńǵysh Prezidenti, partiia Tóraǵasy Nursultan Nazarbaevqa partiia men memlekettiń negizgi baǵdarlamalaryn júzege asyrýdaǵy parlamenttik fraktsiianyń jumysy týraly baiandady, dep habarlaidy "Ult aqparat" Aqordaǵa silteme jasap.
Májiliste Elbasynyń tóraǵalyǵymen ótken keńeitilgen otyrysta Nur Otan partiiasy fraktsiiasynyń múshe-depýtattary, sondai-aq Úkimet músheleriniń qatysýymen «Qazaqstan-2021: Birlik. Turaqtylyq. Jasampazdyq» atty partiianyń sailaýaldy baǵdarlamasy jáne «100 naqty qadam» Ult josparynyń oryndalý barysy qaraldy.
Sailaýaldy baǵdarlama týraly baiandaǵan Májilis Tóraǵasy Nurlan Nyǵmatýlin, Parlament partiianyń sailaý aldyndaǵy mindettemelerin oryndaýǵa baǵyttalǵan 72 zań qabyldaǵanyn atap ótti.
Búgingi tańda 112 mindettemeniń 31-i tolyq oryndaldy, 75-i oryndalýda, 6-y fraktsiia men Úkimettiń erekshe baqylaýynda.
Sonymen qatar aldaǵy úsh jylǵa arnalǵan respýblikalyq biýdjet jobasy qazirgi ýaqytta depýtattar jumysynda, al depýtattyq korpýs partiianyń qalǵan sailaý mindettemelerin qarjylandyrýdy qamtamasyz etý úshin jumys istep jatqanyna toqtaldy.
Nurlan Nyǵmatýlinniń aitýynsha, partiianyń Sailaýaldy baǵdarlamasyn júzege asyrý Palata men Úkimettiń únemi baqylaýynda.
Sondai-aq, parlamenttik fraktsiia «Qazaqstan Respýblikasy Tuńǵysh Prezidentiniń bes institýtsionaldy reformasyn júzege asyrýdaǵy 100 naqty qadam» Ult josparynyń oryndalý barysyna taldaý jasady.
Taldaý nátijeleri boiynsha 58 kezeń aiaqtaldy, 42 - oryndaý satysynda.
Májilis Tóraǵasy parlamenttik fraktsiia barlyq memlekettik baǵdarlamalardyń da oryndalýyn qatań baqylaýǵa alǵanyna nazar aýdardy.
Májilistiń beiindi komitetteri óz baǵyttary boiynsha, eń aldymen, indýstriialyq – innovatsiialyq damý, «Nurly jol» infraqurylymyn damytý jáne «Nurly jer» turǵyn úi qurylysy baǵdarlamalary siiaqty mańyzdy memlekettik baǵdarlamalardyń oryndalýyn baqylaitynyn jetkizdi.
Sonymen qatar, Nurlan Nyǵmatýlin partiianyń sailaýaldy baǵdarlamasynyń kórsetkishteri men memlekettik baǵdarlamalar arasyndaǵy naqty sáikestiktiń qajettiligine nazar aýdardy.
Májilis Tóraǵasy atap ótkendei, baqylaýdy kúsheitý úshin fraktsiianyń jumysy da qaita jasaqtaldy.
Fraktsiiamen jumys isteitin barlyq keńesterdiń ornyna barlyq Biýdjet qarajatynyń jumsalýyna júieli baqylaýdy qamtamasyz etetin komissiia qaldyryldy. Bul jumys sapasyn arttyrýǵa yqpal etedi.
Májilis Tóraǵasynyń aitýynsha, Qazaqstannyń Tuńǵysh Prezidenti - Elbasynyń tapsyrmasyna sáikes depýtattar Biýdjet kodeksine memlekettik organdardyń birinshi basshylary men biýdjettik baǵdarlamalar ákimshileriniń biýdjet qarajatyn tiimsiz josparlaý men jumsaǵany úshin jaýapkershilikterin qarastyratyn túzetýler engizdi.
Sondai-aq, Nurlan Nyǵmatýlin Májilistiń resmi saityndaǵy jeke paraqshalarynda onlain-qabyldaý arqyly depýtattarmen sailaýshylarmen jumys jandana túskenin atap ótti.
Nurlan Nyǵmatýlin sonymen birge depýtattar Májilistiń resmi saityndaǵy jeke paraqshalarynda onlain rejiminde qabyldaý arqyly sailaýshylarmen jumysty jandandyrǵanyn atap ótti.
Budan basqa, sessiianyń basynan bastap Májilistiń jalpy otyrystary ǵana emes, jumys toptaryndaǵy, sondai-aq Palata komitetteriniń májilisterindegi zań jobalary boiynsha depýtattyq korpýstyń búkil jumysy onlain rejiminde kórsetiledi.
Biz sizdiń barlyq bastamalaryńyz ben strategiialyq ideialaryńyzdyń belsendi júrgizýshisi bolýǵa daiynbyz. Sizdiń barlyq tapsyrmalaryńyz, eń mańyzdy memlekettik baǵdarlamalar, ádettegidei, qajetti zańnamalyq qoldaýǵa ie. Siz qoiǵan barlyq mindetter júzege asyrylady, - dedi Nurlan Nyǵmatýlin Qazaqstannyń Tuńǵysh Prezidenti – Elbasy, partiia Tóraǵasy Nursultan Nazarbaevqa.
