مەجٸلٸس تٶراعاسى, Nur Otan پارتيياسى فراكتسيياسىنىڭ جەتەكشٸسٸ نۇرلان نىعماتۋلين قازاقستاننىڭ تۇڭعىش پرەزيدەنتٸ, پارتييا تٶراعاسى نۇرسۇلتان نازارباەۆقا پارتييا مەن مەملەكەتتٸڭ نەگٸزگٸ باعدارلامالارىن جٷزەگە اسىرۋداعى پارلامەنتتٸك فراكتسييانىڭ جۇمىسى تۋرالى باياندادى, دەپ حابارلايدى "ۇلت اقپارات" اقورداعا سٸلتەمە جاساپ.
مەجٸلٸستە ەلباسىنىڭ تٶراعالىعىمەن ٶتكەن كەڭەيتٸلگەن وتىرىستا Nur Otan پارتيياسى فراكتسيياسىنىڭ مٷشە-دەپۋتاتتارى, سونداي-اق ٷكٸمەت مٷشەلەرٸنٸڭ قاتىسۋىمەن «قازاقستان-2021: بٸرلٸك. تۇراقتىلىق. جاسامپازدىق» اتتى پارتييانىڭ سايلاۋالدى باعدارلاماسى جەنە «100 ناقتى قادام» ۇلت جوسپارىنىڭ ورىندالۋ بارىسى قارالدى.
سايلاۋالدى باعدارلاما تۋرالى بايانداعان مەجٸلٸس تٶراعاسى نۇرلان نىعماتۋلين, پارلامەنت پارتييانىڭ سايلاۋ الدىنداعى مٸندەتتەمەلەرٸن ورىنداۋعا باعىتتالعان 72 زاڭ قابىلداعانىن اتاپ ٶتتٸ.
بٷگٸنگٸ تاڭدا 112 مٸندەتتەمەنٸڭ 31-ٸ تولىق ورىندالدى, 75-ٸ ورىندالۋدا, 6-ى فراكتسييا مەن ٷكٸمەتتٸڭ ەرەكشە باقىلاۋىندا.
سونىمەن قاتار الداعى ٷش جىلعا ارنالعان رەسپۋبليكالىق بيۋدجەت جوباسى قازٸرگٸ ۋاقىتتا دەپۋتاتتار جۇمىسىندا, ال دەپۋتاتتىق كورپۋس پارتييانىڭ قالعان سايلاۋ مٸندەتتەمەلەرٸن قارجىلاندىرۋدى قامتاماسىز ەتۋ ٷشٸن جۇمىس ٸستەپ جاتقانىنا توقتالدى.
نۇرلان نىعماتۋليننٸڭ ايتۋىنشا, پارتييانىڭ سايلاۋالدى باعدارلاماسىن جٷزەگە اسىرۋ پالاتا مەن ٷكٸمەتتٸڭ ٷنەمٸ باقىلاۋىندا.
سونداي-اق, پارلامەنتتٸك فراكتسييا «قازاقستان رەسپۋبليكاسى تۇڭعىش پرەزيدەنتٸنٸڭ بەس ينستيتۋتسيونالدى رەفورماسىن جٷزەگە اسىرۋداعى 100 ناقتى قادام» ۇلت جوسپارىنىڭ ورىندالۋ بارىسىنا تالداۋ جاسادى.
تالداۋ نەتيجەلەرٸ بويىنشا 58 كەزەڭ اياقتالدى, 42 - ورىنداۋ ساتىسىندا.
مەجٸلٸس تٶراعاسى پارلامەنتتٸك فراكتسييا بارلىق مەملەكەتتٸك باعدارلامالاردىڭ دا ورىندالۋىن قاتاڭ باقىلاۋعا العانىنا نازار اۋداردى.
مەجٸلٸستٸڭ بەيٸندٸ كوميتەتتەرٸ ٶز باعىتتارى بويىنشا, ەڭ الدىمەن, يندۋسترييالىق – يننوۆاتسييالىق دامۋ, «نۇرلى جول» ينفراقۇرىلىمىن دامىتۋ جەنە «نۇرلى جەر» تۇرعىن ٷي قۇرىلىسى باعدارلامالارى سيياقتى ماڭىزدى مەملەكەتتٸك باعدارلامالاردىڭ ورىندالۋىن باقىلايتىنىن جەتكٸزدٸ.
سونىمەن قاتار, نۇرلان نىعماتۋلين پارتييانىڭ سايلاۋالدى باعدارلاماسىنىڭ كٶرسەتكٸشتەرٸ مەن مەملەكەتتٸك باعدارلامالار اراسىنداعى ناقتى سەيكەستٸكتٸڭ قاجەتتٸلٸگٸنە نازار اۋداردى.
مەجٸلٸس تٶراعاسى اتاپ ٶتكەندەي, باقىلاۋدى كٷشەيتۋ ٷشٸن فراكتسييانىڭ جۇمىسى دا قايتا جاساقتالدى.
فراكتسييامەن جۇمىس ٸستەيتٸن بارلىق كەڭەستەردٸڭ ورنىنا بارلىق بيۋدجەت قاراجاتىنىڭ جۇمسالۋىنا جٷيەلٸ باقىلاۋدى قامتاماسىز ەتەتٸن كوميسسييا قالدىرىلدى. بۇل جۇمىس ساپاسىن ارتتىرۋعا ىقپال ەتەدٸ.
مەجٸلٸس تٶراعاسىنىڭ ايتۋىنشا, قازاقستاننىڭ تۇڭعىش پرەزيدەنتٸ - ەلباسىنىڭ تاپسىرماسىنا سەيكەس دەپۋتاتتار بيۋدجەت كودەكسٸنە مەملەكەتتٸك ورگانداردىڭ بٸرٸنشٸ باسشىلارى مەن بيۋدجەتتٸك باعدارلامالار ەكٸمشٸلەرٸنٸڭ بيۋدجەت قاراجاتىن تيٸمسٸز جوسپارلاۋ مەن جۇمساعانى ٷشٸن جاۋاپكەرشٸلٸكتەرٸن قاراستىراتىن تٷزەتۋلەر ەنگٸزدٸ.
سونداي-اق, نۇرلان نىعماتۋلين مەجٸلٸستٸڭ رەسمي سايتىنداعى جەكە پاراقشالارىندا ونلاين-قابىلداۋ ارقىلى دەپۋتاتتارمەن سايلاۋشىلارمەن جۇمىس جاندانا تٷسكەنٸن اتاپ ٶتتٸ.
نۇرلان نىعماتۋلين سونىمەن بٸرگە دەپۋتاتتار مەجٸلٸستٸڭ رەسمي سايتىنداعى جەكە پاراقشالارىندا ونلاين رەجيمٸندە قابىلداۋ ارقىلى سايلاۋشىلارمەن جۇمىستى جانداندىرعانىن اتاپ ٶتتٸ.
بۇدان باسقا, سەسسييانىڭ باسىنان باستاپ مەجٸلٸستٸڭ جالپى وتىرىستارى عانا ەمەس, جۇمىس توپتارىنداعى, سونداي-اق پالاتا كوميتەتتەرٸنٸڭ مەجٸلٸستەرٸندەگٸ زاڭ جوبالارى بويىنشا دەپۋتاتتىق كورپۋستىڭ بٷكٸل جۇمىسى ونلاين رەجيمٸندە كٶرسەتٸلەدٸ.
بٸز سٸزدٸڭ بارلىق باستامالارىڭىز بەن ستراتەگييالىق يدەيالارىڭىزدىڭ بەلسەندٸ جٷرگٸزۋشٸسٸ بولۋعا دايىنبىز. سٸزدٸڭ بارلىق تاپسىرمالارىڭىز, ەڭ ماڭىزدى مەملەكەتتٸك باعدارلامالار, ەدەتتەگٸدەي, قاجەتتٸ زاڭنامالىق قولداۋعا يە. سٸز قويعان بارلىق مٸندەتتەر جٷزەگە اسىرىلادى, - دەدٸ نۇرلان نىعماتۋلين قازاقستاننىڭ تۇڭعىش پرەزيدەنتٸ – ەلباسى, پارتييا تٶراعاسى نۇرسۇلتان نازارباەۆقا.
