Parlament Májilisiniń tóraǵasy Nurlan Nyǵmatýlin mektep oqýshylary men sarbazdardy tamaqtandyrý máselesine qatysty pikir bildirdi, dep habarlaidy QazAqparat.
Aita keteiik, búgin Májilistiń jalpy otyrysynda «Qazaqstan Respýblikasynyń keibir zańnamalyq aktilerine memlekettik satyp alý jáne kvazimemlekettik sektor sýbektileriniń satyp alý máseleleri boiynsha ózgerister men tolyqtyrýlar engizý týraly» zań jobasy talqylanyp, birinshi oqylymda maquldandy.
Onda depýtattar áskeri qyzmetshilerdiń tamaqtanýyn qamtamasyz etý boiynsha kórsetiletin qyzmetterdi «Memlekettik satyp alý týraly» Zańnyń qoldanylý aiasynan shyǵarýǵa baǵyttalǵan túzetý engizgen bolatyn. Onyń ornyna mundai kórsetiletin qyzmetterdi qazir mektepterde oqýshylardyń tamaqtanýyn qamtamasyz etý protsesinde jasalyp jatqandai, erekshe tártippen satyp alý usynyldy.
Bul turǵyda Májilis tóraǵasy bul usynystyń áskeri mekemelerge laiyqty ekenin atap ótti.
«Biraqta, bul jerde bir úlken másele bar. Ol demping máselesi. Mysaly, tájiribe kórsetkendei, birqatar aýrýhanalarda, mektepterde osy demping baǵamen alynǵan tamaqtarda eshqandai sapa joq. Erteń áskeri mekemelerde osyndai jaǵdai bolýy múmkin. Sondyqtan, osy mekemelerge (mektepterge, aýrýhanalarǵa, áskeri oryndarǵa) eshqashan demping baǵaǵa jol berýge bolmaidy», - dedi N. Nyǵmatýlin
