پارلامەنت مەجٸلٸسٸنٸڭ تٶراعاسى نۇرلان نىعماتۋلين مەكتەپ وقۋشىلارى مەن ساربازداردى تاماقتاندىرۋ مەسەلەسٸنە قاتىستى پٸكٸر بٸلدٸردٸ, دەپ حابارلايدى قازاقپارات.
ايتا كەتەيٸك, بٷگٸن مەجٸلٸستٸڭ جالپى وتىرىسىندا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە مەملەكەتتٸك ساتىپ الۋ جەنە كۆازيمەملەكەتتٸك سەكتور سۋبەكتٸلەرٸنٸڭ ساتىپ الۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسى تالقىلانىپ, بٸرٸنشٸ وقىلىمدا ماقۇلداندى.
وندا دەپۋتاتتار ەسكەري قىزمەتشٸلەردٸڭ تاماقتانۋىن قامتاماسىز ەتۋ بويىنشا كٶرسەتٸلەتٸن قىزمەتتەردٸ «مەملەكەتتٸك ساتىپ الۋ تۋرالى» زاڭنىڭ قولدانىلۋ اياسىنان شىعارۋعا باعىتتالعان تٷزەتۋ ەنگٸزگەن بولاتىن. ونىڭ ورنىنا مۇنداي كٶرسەتٸلەتٸن قىزمەتتەردٸ قازٸر مەكتەپتەردە وقۋشىلاردىڭ تاماقتانۋىن قامتاماسىز ەتۋ پروتسەسٸندە جاسالىپ جاتقانداي, ەرەكشە تەرتٸپپەن ساتىپ الۋ ۇسىنىلدى.
بۇل تۇرعىدا مەجٸلٸس تٶراعاسى بۇل ۇسىنىستىڭ ەسكەري مەكەمەلەرگە لايىقتى ەكەنٸن اتاپ ٶتتٸ.
«بٸراقتا, بۇل جەردە بٸر ٷلكەن مەسەلە بار. ول دەمپينگ مەسەلەسٸ. مىسالى, تەجٸريبە كٶرسەتكەندەي, بٸرقاتار اۋرۋحانالاردا, مەكتەپتەردە وسى دەمپينگ باعامەن الىنعان تاماقتاردا ەشقانداي ساپا جوق. ەرتەڭ ەسكەري مەكەمەلەردە وسىنداي جاعداي بولۋى مٷمكٸن. سوندىقتان, وسى مەكەمەلەرگە (مەكتەپتەرگە, اۋرۋحانالارعا, ەسكەري ورىندارعا) ەشقاشان دەمپينگ باعاعا جول بەرۋگە بولمايدى», - دەدٸ ن. نىعماتۋلين
