Prezident Joldaýyndaǵy bastamalar zańnamalyq turǵyda tolyqtai qamtamasyz etildi. Bul týraly Parlament Májilisiniń tóraǵasy Nurlan Nyǵmatýlin málim etti, dep habarlaidy QazAqparat.
«Birneshe kúnnen keiin biz jańa 2020 jyldy qarsy alatyn bolamyz. Jańa jyl árqashan da ótkenge esep berip, bolashaqqa zor úmit jáne senim arttyratyn erekshe kezeń. Árine, bizdiń kezekti sessiiamyz aiaqtalǵan joq. Biraq ótken tórt aida atqarylǵan jumystarǵa toqtalatyn bolsaq, biz 30-dan astam zań jobasyn qarap, maquldadyq. Onda eń aldymen, halqymyzdyń ál-aýqatyn kúsheitýge erekshe nazar aýdaryldy. Sonyń arqasynda tikelei áleýmettik-ekonomikalyq mańyzy bar birqatar zańdar qabyldanyp, ony júzege asyrý úshin naqty qadamdar jasaldy», - N. Nyǵmatýlin Parlament Májilisiniń jalpy otyrysynda.
Osy oraida bul jolda Elbasy Nursultan Nazarbaev belgilep bergen strategiialyq bastamalar basshylyqqa alynǵanyn, sondai-aq sessiianyń ashylýynda QR Prezidenti Qasym-Jomart Toqaev alǵa qoiǵan maqsattar basym baǵyt bolǵanyn atap ótti.
«Aldaǵy jyly da bastalǵan jumysty jalǵastyratyn bolamyz. Osy sessiia bastalǵaly Májilis 77 zań jobasyn jumysqa aldy. Biz Memleket basshysy Qasym-Jomart Toqaevtyń Joldaýyn júzege asyrýǵa baǵyttalǵan barlyq zań jobalaryn ýaqytyly maquldadyq. Osy arqyly Prezident Joldaýyn zańnamalyq qoldaýdy tolyqtai qamtamasyz ettik», - dedi Májilis tóraǵasy.
Belgili bolǵandai, Májilis biýrosy sheshimine sáikes, depýtattardyń óńirlerge saparlary 2020 jylǵy 5-14 qańtar aralyǵynda ótedi.
.jpeg)