Búgin Májilis spikeri Nurlan Nyǵmatýlinniń tóraǵalyǵymen Palatanyń altynshy sessiiasyndaǵy alǵashqy Biýro otyrysy ótti, dep habarlaidy "Ult aqparat" tómengi palatanyń baspasóz qyzmetine silteme jasap.
Biýroda Memleket Basshysy Qasym-Jomart Toqaevtyń altynshy sessiianyń ashylýynda Qazaqstan halqyna arnaǵan Joldaýynda kórsetilgen basymdyqtaryn eskere otyryp, depýtattyq korpýs qyzmetiniń negizgi baǵyttary talqylandy.
Otyrysty ashqan Májilis Tóraǵasy Nurlan Nyǵmatýlin Memleket basshysynyń alǵa qoiǵan mindetteriniń aýqymdylyǵyna toqtalyp, olardyń sheshimi qazaqstandyqtardyń ómiriniń barlyq salalaryn jańǵyrtý jáne qarqyndy damytý úshin qajettigine nazar aýdardy. Sonymen birge, depýtattarǵa memlekettik basqarýdyń jańa modelin zańnamalyq qamtamasyz etý, kvazimemlekettik sektordaǵy reformalardy qoldaý, salyq zańnamasy men biýdjettik saiasatty jetildirý máseleleri boiynsha jumys jasaý qajet ekenine toqtaldy. Jumystyń basym bóligi azamattardyń áleýmettik ál-aýqatyn jaqsartýmen, sonyń ishinde, densaýlyq saqtaý, bilim berý, balalardyń quqyqtaryn qorǵaý máselelerin sheshýmen bailanysty.
Nurlan Nyǵmatýlin atap ótkendei, Prezident Joldaýy – eldi jańǵyrtýdyń jańa kezeńi.
Biýro otyrysynyń kún tártibiniń jobasynda birqatar mańyzdy qujattardy jumysqa alý kózdelgen.
Atap aitqanda, Ulttyq qordan 2021–2023 jyldarǵa arnalǵan kepildendirilgen transfert týraly, 2021–2023 jyldarǵa arnalǵan respýblikalyq biýdjet týraly zań jobalary bar. Osylardyń qatarynda: ortalyq jáne jergilikti memlekettik organdar arasynda aýyzsýmen jabdyqtaýdy sýbsidiialaý jónindegi ókilettikterdiń arajigin ajyratý máseleleri boiynsha túzetýler engizý týraly zań jobasy, sondai-aq, «Tehnikalyq retteý týraly» jáne oǵan ilespe zań jobalary bar.
Aldaǵy jalpy otyrysta «Erekshe taýarlardy baqylaý týraly» jáne oǵan ilespe zań jobalary boiynsha qorytyndy ázirleý merzimi belgilenetin bolady.
Sonymen qatar, jumysqa alynǵan qujattardyń qatarynda «Qazaqstan Respýblikasynyń halyqaralyq sharttary týraly» zańyna ózgerister men tolyqtyrý engizý týraly jáne aqparat máseleleri boiynsha zań jobalary bar.
Osy kúni depýtattar birqatar ratifikatsiialyq zań jobalaryn da jumysqa almaq. Atap aitsaq, olar: EAEO týraly shartqa ózgerister engizý týraly hattama, Qazaqstan men Birikken Arab Ámirlikteri arasyndaǵy eki el astanalarynda elshilikterdiń jer ýchaskelerin óteýsiz paidalanýǵa ózara berý týraly kelisim, Qazaqstan men Soltústik Makedoniia, Bolgariia, Koreia jáne Birikken Arab Ámirlikteri elderi arasyndaǵy sottalǵan adamdardy berý sharttary týraly zań jobalar. Sondai-aq, jumysqa qabyldanǵandar ishinde TMD qatysýshy memleketterdiń bas bostandyǵynan aiyrýmen bailanysty emes jazalardy oryndaýdy berý týraly konventsiia, sonymen qatar Qazaqstan Respýblikasynyń Úkimeti men Bilim, ǵylym jáne mádeniet máseleleri jónindegi Birikken Ulttar Uiymy (IýNESKO) arasyndaǵy IýNESKO aiasynda Mádenietterdi jaqyndastyrý halyqaralyq ortalyǵyn (2-sanat) qurý, EAEO sheńberinde aýyl sharýashylyǵy janýarlarymen selektsiialyq-asyl tuqymdyq jumys júrgizýdi birizdendirýge baǵyttalǵan sharalar týraly kelisimder. Osylardyń qatarynda, EAEO týraly shartqa Qyrǵyz Respýblikasynyń qosylýyna bailanysty EAEO týraly shartty, Eýraziialyq ekonomikalyq odaqtyń quqyǵyna kiretin jekelegen halyqaralyq sharttardy jáne Eýraziialyq ekonomikalyq odaq organdarynyń aktilerin qoldanýy jónindegi jaǵdailar men ótpeli erejeler týraly ratifikatsiialanatyn zań jobalary bar.
