Parlament Májilisiniń tóraǵasy Nurlan Nyǵmatýlin Aqtaý men Quryq porttaryn damytý josparyna qatysty oiyn aityp, qandai máselege nazar aýdarý kerektigin jetkizdi, dep habarlaidy "Ult aqparat".
«Porttardy damytýdy qalai qolǵa alsaq, keme qatynasyn damytýdy sondai qarqynmen júrgizý kerek. Sebebi bul eki uǵym qanattas. Porttarsyz eshqandai keme qatynasy men tranzit týraly aýyz ashpai-aq qoiýǵa bolady. Kez kelgen kemeniń basty mindeti – júk tasý. Álbette jolaýshylar kemesi basqa másele», - dedi Májilis tóraǵasy keme qatynasy týraly kelisimdi ratifikatsiialaý jónindegi zań jobasyn talqylaý kezinde.
Nurlan Nyǵmatýlinniń aitýynsha, Indýstriia jáne infraqurylymdyq damý ministrligi munai tasi berýdi qoiyp, konteiner tasymalyn arttyrǵaly otyr.
«Bul – durys qadam. Sebebi memleket biligi de qazir óndiristi tolyq diversifikatsiialaýǵa kóshti. Jyl saiyn qubyr sany artyp, diversifikatsiia júrip jatqandyqtan bizge porttardyń bolashaǵyn oilaý kerek. Alǵashqy porttardyń negizin qalaǵan kezde olardy biz energiia tasymaldaýshy retinde kórdik. Konteiner degenimizben, bizge sonymen qatar «qurǵaq júkke» de ótýimiz kerek shyǵar. Máselen Irannyń soltústiginde bidai qabyldaityn qanshama oryn salyndy. Ol jerde bizdiń bidaiymyzdy kútip otyr. Sondyqtan aldaǵy ýaqytta aýyl sharýashylyǵy ónimderine basa mán bergen abzal», - dedi ol.
Nurlan Nyǵmatýlin ishki ekonomikalyq jospar jasalyp, osyndai jylda osynshama ónimdi eksportqa shyǵara alamyz degen jospar bolýy tiis ekenin jetkizdi.
«Álbette Aqtaý men Quryq porttary arqyly júk tasymalyn arttyrǵaly jatyrmyz. Alaida ne eksporttaitynymyzdy naqty bilip alýymyz kerek. Ne satamyz? Bul jerde naqtylyq bolýy tiis», - dedi ol.
