Májilis jumysynyń basym bóligi basqa jumys formatyna kóshedi. Bul týraly Parlament Májilisiniń tóraǵasy Nurlan Nyǵmatýlin málim etti, dep habarlaidy QazAqparat.
«Tótenshe jaǵdaiǵa jáne qalamyzda karantin jariialanýyna bailanysty Májilistiń de jumys rejimi ózgeretin bolady. Erteńnen bastap Májilis jumysynyń basym bóligi basqa formatqa kóshedi. Bul árbir azamattyń qaýipsizdigin saqtaý úshin jasalatyn sharalar. Oǵan bárimiz túsinistikpen qaraimyz ári joǵary jaýapkershilik tanytýymyz qajet», - dedi N. Nyǵmatýlin Májilistiń jalpy otyrysynda.
Osy oraida depýtattarǵa Májilis ǵimaratyna tek jalpy otyrys kúnderinde, sondai-aq zań jobalary boiynsha komitet jáne jumys toptarynyń otyrystaryna kelýge keńes berildi. Al basqa kúnderi depýtattar telekommýnikatsiianyń múmkindikterin paidalana otyryp, qashyqtan jumys isteidi.
«Jalpy otyrystar tek depýtattar men zań jobasy boiynsha negizgi baiandamashylardyń qatysýymen ótedi», - dep naqtylady N. Nyǵmatýlin.
Sonymen qatar ol Májilistiń barlyq sharalary onlain rejimde kórsetiletinin eske saldy.
Belgili bolǵandai, parlamenttik tyńdaýlar men Úkimet saǵattary, josparlanǵan negizgi sharalar keiinge shegerilip otyr.
Májilis ǵimaratynda keńesterdi, jumys kezdesýlerin, sondai-aq azamattardy qabyldaýdy ótkizýge shekteý engiziledi. Sondai-aq depýtattar men Apparat qyzmetkerleri úshin issaparlarǵa ári qyzmettik sipattaǵa ózge de saparlarǵa barýǵa tyiym salyndy.
Májilis apparaty qyzmetkerleriniń 70 paiyzy qashyqtyqtan jumys isteý rejimine kóshirildi. Al apparattyń qalǵan qyzmetkerleri saǵat 16:00-ge deiingi qysqartylǵan jumys kúnine aýysty.
