مەجٸلٸس جۇمىسىنىڭ باسىم بٶلٸگٸ باسقا جۇمىس فورماتىنا كٶشەدٸ. بۇل تۋرالى پارلامەنت مەجٸلٸسٸنٸڭ تٶراعاسى نۇرلان نىعماتۋلين مەلٸم ەتتٸ, دەپ حابارلايدى قازاقپارات.
«تٶتەنشە جاعدايعا جەنە قالامىزدا كارانتين جارييالانۋىنا بايلانىستى مەجٸلٸستٸڭ دە جۇمىس رەجٸمٸ ٶزگەرەتٸن بولادى. ەرتەڭنەن باستاپ مەجٸلٸس جۇمىسىنىڭ باسىم بٶلٸگٸ باسقا فورماتقا كٶشەدٸ. بۇل ەربٸر ازاماتتىڭ قاۋٸپسٸزدٸگٸن ساقتاۋ ٷشٸن جاسالاتىن شارالار. وعان بەرٸمٸز تٷسٸنٸستٸكپەن قارايمىز ەرٸ جوعارى جاۋاپكەرشٸلٸك تانىتۋىمىز قاجەت», - دەدٸ ن. نىعماتۋلين مەجٸلٸستٸڭ جالپى وتىرىسىندا.
وسى ورايدا دەپۋتاتتارعا مەجٸلٸس عيماراتىنا تەك جالپى وتىرىس كٷندەرٸندە, سونداي-اق زاڭ جوبالارى بويىنشا كوميتەت جەنە جۇمىس توپتارىنىڭ وتىرىستارىنا كەلۋگە كەڭەس بەرٸلدٸ. ال باسقا كٷندەرٸ دەپۋتاتتار تەلەكوممۋنيكاتسييانىڭ مٷمكٸندٸكتەرٸن پايدالانا وتىرىپ, قاشىقتان جۇمىس ٸستەيدٸ.
«جالپى وتىرىستار تەك دەپۋتاتتار مەن زاڭ جوباسى بويىنشا نەگٸزگٸ بايانداماشىلاردىڭ قاتىسۋىمەن ٶتەدٸ», - دەپ ناقتىلادى ن. نىعماتۋلين.
سونىمەن قاتار ول مەجٸلٸستٸڭ بارلىق شارالارى ونلاين رەجٸمدە كٶرسەتٸلەتٸنٸن ەسكە سالدى.
بەلگٸلٸ بولعانداي, پارلامەنتتٸك تىڭداۋلار مەن ٷكٸمەت ساعاتتارى, جوسپارلانعان نەگٸزگٸ شارالار كەيٸنگە شەگەرٸلٸپ وتىر.
مەجٸلٸس عيماراتىندا كەڭەستەردٸ, جۇمىس كەزدەسۋلەرٸن, سونداي-اق ازاماتتاردى قابىلداۋدى ٶتكٸزۋگە شەكتەۋ ەنگٸزٸلەدٸ. سونداي-اق دەپۋتاتتار مەن اپپارات قىزمەتكەرلەرٸ ٷشٸن ٸسساپارلارعا ەرٸ قىزمەتتٸك سيپاتتاعا ٶزگە دە ساپارلارعا بارۋعا تىيىم سالىندى.
مەجٸلٸس اپپاراتى قىزمەتكەرلەرٸنٸڭ 70 پايىزى قاشىقتىقتان جۇمىس ٸستەۋ رەجٸمٸنە كٶشٸرٸلدٸ. ال اپپاراتتىڭ قالعان قىزمەتكەرلەرٸ ساعات 16:00-گە دەيٸنگٸ قىسقارتىلعان جۇمىس كٷنٸنە اۋىستى.
