kollaj: Tengrinews.kz
Nur Otan partiiasynyń jaýapty hatshysy Ashat Oralov partiianyń saiasi keńesi quramyna usynylyp otyrǵan ózgerister týraly aitty, - dep habarlaidy Tengrinews.kz agenttigi.
"Myna suraqtar qaraýǵa usynylady:
Ospanbek Álseiitov pen Nurlan Nyǵmatýlindi partiianyń Saiasi keńesi quramynan shyǵarý týraly;
onyń quramyna partiianyń myna múshelerin - premer-ministr Álihan Smaiylovty, Prezident Ákimshiliginiń basshysy Murat Nurtileýovty, "Astana" meditsinalyq ýniversitetiniń rektory Qamaljan Nadyrovty jáne "Qazaq tili qoǵamy" vitse-prezidenti Maksim Rojindi engizý týraly", - dedi Oralov partiianyń kezekten tys sezinde sóilegen sózinde.
Sezd músheleri usynysty qoldap daýys berdi.
Sezd onlain formatta ótip jatyr. Prezident XXII sezdi shaqyrý týraly sheshimdi 18 aqpanda qabyldaǵan bolatyn. Oǵan búkil aimaqtan delegattar qatysty.
Eske salaiyq, byltyr qarashada saiasi keńestiń keńeitilgen otyrysynda Elbasy Nursultan Nazarbaev Nur Otan partiiasy tóraǵasynyń ókilettigin berý týraly sheshim shyǵarǵan edi. Ol partiiany el Prezidenti basqarýy tiis ekenin aitty. 28 qańtarda Toqaev Nur Otan partiiasynyń tóraǵasy bolyp sailandy.
Aqpanda Prezident partiia jumysyn jańǵyrtýdy jedeldetýdi tapsyrdy. Onyń aitýynsha, el azamattarynyń talap-tilekterine tolyq jaýap berýi úshin partiiany júieli túrde qaita qurý qajet. Sondai-aq partiia zamanaýi syn-qaterlerge tótep berýge jáne jedel áreket etýge tiis.
