Búgin Májilis spikeri Nurlan Nyǵmatýlinniń tóraǵalyǵymen Biýro otyrysy ótip, onda aldaǵy jalpy otyrystyń kún tártibi naqtylandy, dep habarlaidy "Ult aqparat" Májilistiń Baspasóz qyzmetine silteme jasap.
Aldaǵy jalpy otyrysta depýtattar qaraýyna QR kimetiniń jáne Respýblikalyq biýdjettiń atqarylýyn baqylaý jónindegi esep komitetiniń 2020 jylǵy respýblikalyq biýdjettiń atqarylýy týraly esepteri usynylady.
Biýro otyrysynda depýtattarǵa birqatar zań jobasyn II oqylymda qaraý usynyldy. Atap aitqanda, Ákimshilik quqyq buzýshylyq týraly kodeksine, sondai-aq, azamattardyń jekelegen sanattaryn áleýmettik qorǵaý máseleleri boiynsha ózgerister men tolyqtyrýlar engizý týraly zań jobalary bar.
Sonymen qatar, «Qazaqstan Respýblikasynyń keibir zańnamalyq aktilerine jer qatynastaryn damytý máseleleri boiynsha ózgerister men tolyqtyrýlar engizý týraly» zań jobasyn II oqylymda qaraý kózdelip otyr.
