Májilis tóraǵasy, «Nur Otan» partiiasy fraktsiiasynyń jetekshisi Nurlan Nyǵmatýlin Parlament Májilisindegi «Nur Otan» partiiasy fraktsiiasynyń jinalysyn ótkizdi, dep habarlaidy "Ult aqparat".
Otyrysta depýtattardyń jazǵy kezeńde óńirlerge shyǵýy men «Nur Otan» partiiasynyń 2025 jylǵa deiingi «Ózgerister joly: ár azamatqa laiyqty ómir!» atty sailaýaldy baǵdarlamasyn oryndaýdyń jol kartasyn iske asyrý jaiy talqylandy.
Nurlan Nyǵmatýlin atap ótkendei, Elbasy, partiia tóraǵasy Nursultan Nazarbaev árbir jekelegen óńirdiń problemalaryn sheshýmen júieli túrde ainalysýdy, barlyq áleýmettik toptarmen keri bailanysty nyǵaitýǵa, ózekti máselelerge jyldam kóńil bólip, sheshý joldaryn usyný týraly naqty tapsyrma bergen bolatyn.
Onyń oryndalýyn qamtamasyz etý úshin depýtattar árbir óńirler boiynsha bekitilip, úilestirýshi toptar quryldy.
Sonymen qatar, Májilis tóraǵasy aimaqtarǵa sapar barysynda qalalar men aýdandar, halyqtyń barlyq áleýmettik toptardy, shalǵaidaǵy eldi mekenderdiń barynsha qamtylýy qajettigine toqtaldy.
Sondai-aq, palata spikeri partiianyń «Jol kartasy» baǵdarlamasynyń muqiiat oryndalýyna nazar aýdaryp, oryndalý barysynda kúrdelilik týdyrǵan máselelerdi depýtattyq saýaldar men partiianyń qoǵamdyq keńesteriniń otyrystarynda jáne Palata komitetteriniń is-sharalarynda kóterýdi tapsyrdy.
