QR Parlamenti Májilisiniń tóraǵasy Nurlan Nyǵmatýlin Qordaidaǵy jappai tóbeleste qaza tapqan marqumdardyń jaqyndaryna kóńil aitty, dep habarlaidy "Ult aqparat".
«Qordaida qaza bolǵandardyń otbasyna kóńil aitamyn jáne zardap shekkenderdiń saýyǵýyn tileimin. Jaǵdai el basshylyǵynyń baqylaýynda. Bir top májilismender úkimettik komissiiamen birge oqiǵa ornynda jumys isteýde. Bizdiń maqsatymyz arandatýǵa jol bermei, turaqtylyqty saqtaý» dep jazdy Májilis tóraǵasy Twitter paraqshasynda.
Buǵan deiin Jambyl oblysynyń Qordai aýdanyndaǵy Masanchi aýylynyń turǵyndary arasynda jappai tóbeles bolǵanyn habarlaǵan bolatynbyz.
Kóp ýaqyt ótpei Prezident Qasym-Jomart Toqaev Jambyl oblysy Qordai aýdanynda bolǵan jappai tóbeleske qatysty pikir bildirdi.
«Jambyl oblysy Qordai aýdanynda buzaqylyq sipattaǵy jappai tóbeles boldy. Ony arandatýshylar óz paidasyna qoldanbaq bolǵan. Politsiia jaǵdaidy rettep, óz baqylaýyna aldy. Qoǵamdyq tártipti buzǵandar jaýapkershilikke tartylady», dep jazdy Qasym-Jomart Toqaev Twitter-degi paraqshasynda.
Al búgin Memleket basshysy Jambyl oblysyndaǵy oqiǵaǵa bailanysty málimdeme jasady.
