Májilis Spikeri Nurlan Nyǵmatýlin Palatanyń búgingi jalpy otyrysyn Elbasynyń «Qazaqstannyń úshinshi jańǵyrýy: jahandyq básekege qabilettilik» atty Qazaqstan Halqyna arnaǵan Joldaýynan bastady, dep habarlaidy "Ult aqparat" QR Parlamenti Májilisi apparatynyń baspasóz qyzmetine silteme jasap.
Joldaýdyń keshe ǵana barlyq aqparat quraldarynda jaryq kórgenin alǵa tartqan, N. Nyǵmatýlin:
-Prezidentimiz Nursultan Ábishuly Nazarbaevtyń Joldaýy – elimizdiń tarihi belesin bastaǵan óte mańyzdy qujat. Onda Elbasymyz Qazaqstan damýynyń jańa baǵyttaryn belgilep berdi.
Osy kezeńde ásirese, ulttyq ekonomikany kóterýge erekshe kóńil bólindi. Bul eń aldymen halyqtyń áleýmettik jaǵdaiyn kúsheitýge yqpal etedi, - dedi.
Spiker atap ótkendei, Joldaý zań shyǵarý organynyń aldaǵy naqty maqsattaryn kórsetýmen qatar, «100 naqty qadam» Ult Jospary aiasynda «Qazaqstan-2050» Strategiiasyn nátijeli júzege asyrý úshin barsha qazaqstandyqtardy bir maqsatqa biriktiretin qýatty kúshke ie.
Depýtattyq korpýstyń aldynda turǵan endigi basty mindet – mańyzdy qujatty elimizdiń árbir azamatyna, árbir otbasyna jetkizip, túsindirý. Keń kólemde nasihat jumystaryn qolǵa alý.
Osyǵan bailanysty erteńnen bastap Májilis depýtattary barlyq aimaqtardy aralap, halyqpen kezdesýge shyǵady.
