Búgin Májilis spikeri Nurlan Nyǵmatýlinniń tóraǵalyǵymen ótken jalpy otyrysta «Erekshe taýarlardy baqylaý týraly» zań jobasy I oqylymda maquldandy. Bul týraly tómengi palatanyń baspasóz qyzmeti habarlady.
Zań jobasynda erekshe taýarlardy baqylaýdyń maqsattary, qaǵidattary men ádisteri belgilengen.
Qujattyń maqsaty – ulttyq qaýipsizdikti qamtamasyz etý, jappai qyryp-joiý qarýyn taratpaý jáne qarý-jaraqtyń zańsyz saýdasyna jol bermeý jónindegi halyqaralyq mindettemelerdi saqtaý.
Otyrys barysynda depýtattar taýarlar men qyzmetterdi zańsyz importtaýǵa bailanysty jaýapkershilik engizýdi usyndy.
Májilis tóraǵasy Nurlan Nyǵmatýlin depýtattardy qoldai otyryp: menińshe, depýtattardyń jumys toptarynda engizgen túzetýleri mańyzdy jáne ózekti. Eger atalǵan másele boiynsha Úkimettiń nusqasyn basshylyqqa alatyn bolsaq, onda bizdiń shekaramyz arqyly kez kelgen tasymal tehnologiialarǵa, ǵylymi-tehnikalyq qujattamalarǵa baǵdarlamalyq qamtamasyz etýge tyiym salynǵan. Alaida, Qylmystyq Kodekstiń 275-babyna sáikes, tek qana zańsyz eksportqa jaza qoldanylady. Sondyqtan, depýtattar tek zańsyz eksportqa ǵana emes, sonymen qatar erekshe taýarlardyń zańsyz importy úshin de jaza belgileý týraly ońtaily usynys engizdi dep esepteimin, - dedi.
Aita ketý kerek, zań jobasy erekshe taýarlardyń eksportyn, keri eksportyn, importyn, tranzitin, eksaýmaqtyq keri eksportyn, eksaýmaqtyq deldaldyq qyzmetter kórsetýdi nemese tehnikalyq kómekti júzege asyrý kezindegi qatynastardy retteýge baǵyttalǵan.
