Májilis tóraǵasy Nurlan Nyǵmatýlin Ulybritaniia jáne Soltústik Irlandiia Birikken Koroldiginiń Qazaqstandaǵy Tótenshe jáne ókiletti elshisi Kerolin Braýndy diplomatiialyq merziminiń aiaqtalýyna bailanysty qabyldady, dep habarlaidy "Ult aqparat".
N.Nyǵmatýlin atap ótkendei, K.Braýn bizdiń elderimizdiń arasyndaǵy ekijaqty, sonyń ishinde, parlamentaralyq qarym-qatynasty tereńdetý jolynda eselei eńbek etti. Nátijesinde Qazaqstan men Ulybritaniia arasyndaǵy strategiialyq áriptestik qarqyndy damydy.
Sonymen birge Braýn hanym tek saiasi, mádeni, halyqaralyq bailanystardy nyǵaityp qana qoimai, árbir ulttyq meiramdarda qazaq tilinde júrekjardy lebizin jetkizip, memlekettik tilge degen erekshe qurmetin kórsetti.
N.Nyǵmatýlin elshi hanymnyń shyn máninde joǵary diplomatiialyq tájiribesi ózgelerge úlgi bolýǵa laiyqty ekenin atap ótti.
Óz kezeginde Kerolin Braýn Qazaqstanda eńbek etken jyldar ómirindegi eń eleýli kezeńderdiń biri ekenin aityp, jalpy eńbek jolynyń Qazaqstandaǵy elshilik qyzmetpen aiaqtalatynyna riza ekendigin jetkizip, alǵys bildirdi.
Aita keteiik, Kerolin Braýn bizdiń elimizde 4 jyl qyzmet etti.
